Áttunda umferð í Örninn Golfverlun - mótaröð GR leikin í Grafarholti

Áttunda umferð í Örninn Golfverlun - mótaröð GR leikin í Grafarholti

Áttunda umferð í Örninn Golfverslun - mótaröð GR verður leikin á Grafarholtsvelli í dag og á morgun. 

Alls eru leiknar 10 umferðir í mótaröðinni og gilda 6 bestu til úrslita. Til að taka þátt þarf eingöngu að bóka sig í rástíma, tilkynna sig til leiks þegar mætt er og greiða þátttökugjald, kr. 1.200 fyrir fyrstu þrjá hringina sem leiknir eru. Að leik loknum er skorkorti skilað inn í þar til gerðan skorkortakassa í golfverslun. Á skorkorti þarf að koma fram nafn og kennitala leikmanns, af hvaða teig er leikið og höggafjöldi á holu. 

Fyrirkomulag mótaraðarinnar er punktakeppni þar sem keppendur geta valið sér teiga (hvíta, gula, bláa eða rauða) við hæfi og taka forgjöf samkvæmt völdum teigum. Leikmenn verða að merkja á skorkort af hvaða teigum leikið er.

Um aldursflokkakeppni er að ræða og verða veitt verðlaun í fjórum flokkum karla og kvenna, alls átta flokkum. Sama aldursskipting er í báðum flokkum en þeir eru:

  • 19-29 ára
  • 30-49 ára
  • 50-64 ára
  • 65 ára og eldri

Punktahæsti einstaklingurinn óháð flokkum verður útnefndur Punktameistari GR.

Níunda umferð mótaraðarinnar verður leikin á Korpúlfsstaðarvelli í næstu viku.

Golfklúbbur Reykjavíkur í samvinnu við Örninn Golfverslun

Til baka í yfirlit