Áttundi vinavöllurinn er á Suðurnesjum

Áttundi vinavöllurinn er á Suðurnesjum

Hólmsvöllur í Leirunni hjá Golfklúbbi Suðurnesja verður áttundi vinavöllur Golfklúbbs Reykjavíkur á komandi tímabili. Völlinn þarf varla að kynna fyrir félagsmönnum en samtarf hefur verið á milli klúbbanna um árabil.

Hólmsvelli svipar að mörgu leyti til breskra strandvalla. Náttúruöflin eru hluti af leiknum og þeirri upplifun sem honum fylgir. Leiran er þekkt fyrir krefjandi upphafsholur sínar, og þá einna helst þriðju brautina – Bergvíkina – þar sem aðeins þeir hörðustu þora að slá beint á flöt, yfir öldurótið sem lætur kröftuglega í sér heyra. Reynir þar verulega á einbeitingu þess sem slær.

Félagsmenn GR greiða kr. 3.500 í vallargjald í hvert sinn sem þeir leika á Hólmsvelli og skiptir þá ekki máli hvort leiknar séu 9 eða 18 holur. Áður en leikur hefst skal framvísa félagsskírteini og greiða vallargjald í afgreiðslu Golfklúbbs Suðurnesja. Samkomulagið gildir ekki ef félagsmenn leika með hópum, sem gert hafa sérstaka samninga um afslætti af vallargjöldum, eins og t.d fyrirtækjamót.

Vefsíða GS

Félagsmenn GR hafa verið duglegir að heimsækja Leiruna á undanförnum árum. Það er því von okkar að almenn ánægja verði meðal félagsmanna með þennan áframhaldandi vinavallakost.

Samantekt og upplýsingar um alla vinavelli félagsins er að finna hér

Við hvetjum félagsmenn til útiveru af hvaða tagi sem er um helgina! 

Kær kveðja,
Golfklúbbur Reykjavíkur

 

Til baka í yfirlit