Aukum sveigjanleikann fyrir sumarið - lokanámskeið í jóga fyrir golfara

Aukum sveigjanleikann fyrir sumarið - lokanámskeið í jóga fyrir golfara

Nú er komið að síðasta jóganámskeiðinu fyrir félagsmenn GR áður en golfsumarið hefst. Námskeiðin verða kennd bæði i Hreyfingu og Worldclass sem fólk getur valið um og hefjast þau í næstu viku, 9. og 10. apríl.

Tímarnir verða i Hot Yoga salnum í WorldClass Laugum á mánudögum og miðvikudögum kl 20:00-21:10 og Hreyfingu þriðjudaga og fimmtudaga kl 18:45-19:55. Þið getið sent út auglýsingu til GR inga með þetta.

Skráning á námskeiðin er hafin i WorldClass og Hreyfingu.

Til þess að ná árangri i golfinu þurfum við að gera ýmsar æfingar til að styrkja líkamann, auka sveigjanleika og jafnvægi. Þannig fáum við lengra sveifluferli, kraftmeiri högg og umfram allt aukum við einbeitingu og úthald, minnkum líkur á meiðslum og komumst i betra form fyrir sumarið. Mikilvægasta verkfærið i golfi er líkaminn. VIð náum ekki árangri i golfi, hversu góðar kylfur við erum með ef líkaminn er ekki sterkur, stöðugur og sveigjanlegur.

Jógaæfingar eru til þess fallnar að auka vöðvajafnvægi sem skila sér í betri sveiflu og bæta líkamlega þætti sem auka líkur á betri frammistöðu á vellinum. Miklu máli skiptir að auka líkamsvitund og hreyfifærni líkamans. Ég legg áherslu á styrk, stöðugleika, snúninga og öndun sem hjálpar til að ná einbeitingu og bæta úthald. þegar fólk nær að tengja öndunina inn í æfingarnar áttar það sig á því að það opnar og lengir líkamann á innöndun og getur snúið sér. Ég legg áherslu á að því að fólki líði vel í lok hvers tíma.

Golfjóga á facebook

Kveðja,
Birgitta

Til baka í yfirlit