ECCO- púttmótaröðin 2019 – lokaumferð leikin í næstu viku, staðan eftir 9 umferðir

ECCO- púttmótaröðin 2019 – lokaumferð leikin í næstu viku, staðan eftir 9 umferðir

Þá er bara lokaumferðin eftir og ekkert er öruggt ennþá hvað varðar úrslit. Lið 3 lék best í gær á 107 og stökk í 10. sætið úr því 18. Matthías Einarsson úr liði 32 lék best á 53 púttum í gær og er hans lið í baráttunni. Ragnar Ólafsson sem vermir fyrsta sæti einstaklinga mætti ekki í gær en heldur samt sætinu og virðist fátt geta hróflað við honum og sama má segja um lið hans nr. 5 sem heldur fyrsta sætinu fyrir lokaumferðina, þó getur allt gerst ennþá.

Lokaumferðin er fimmtudaginn 21. mars – já, á fimmtudaginn næsta!

Rástímar verða þannig að efstu 8 liðin mæta um kl. 19 og efsta liðið fer af stað um kl. 19:30. Annars er best að menn haldi sínum tímum en mæti þó ekki seinna en um kl. 19. Annars fer þetta bara eins og það fer.

Sendið mér endilega póst og látið mig vita ef fyrirsjáanlegt er að þið komist ekki í lokapartýið. Það auðveldar mér alla skipulagningu.

Verðlaunaafhendingin, sem er fyrir alla, hefst um leið og úrslit liggja fyrir. Það eru ekki einungis þeir sem ná einhverjum sætum sem fá verðlaun heldur verður eitthvað af vinningum fyrir  þá sem voru ekki alveg eins góðir og hinir. Verðlaunaskráin er ekki klár ennþá frekar en fyrri daginn en það verður eitthvað spennandi – ég trúi bara ekki öðru.

Sem sagt: Þeir sem eru búnir að pútta um miðjan dag fara bara heim, horfa á fréttirnar sem dæmi, koma svo galvaskir í partýið um kl. 20 til að rabba við félagana, fylgjast með þeim bestu og hugsanlega hirða upp einhverja vinninga þegar þar að kemur. Til að fá verðlaun verða menn að vera með í partýinu.

Boðið verður uppá léttar veitingar eins og undanfarin ár, þó ekki bjór sem verður til sölu á 500 kallinn eins og verið hefur. Þeir sem eiga miða í kassanum vinsamlega gangið frá því máli.

Þá held ég að allt sé komið fram sem þarf að koma fram en ef það eru einhverjar spurningar varðandi lokakvöldið þá er bara að hafa samband hvenær sem er.

Nokkrir leikmenn mótaraðarinnar hafa gefið mér flotta vinninga, til að gleðja ykkur hina, og færi ég þeim mínar bestu þakkir. 

Svo höfum við bara gaman af þessu öllu saman. 

Annars bara kátur! 


Meðfylgjandi er staða liða og einstaklinga eftir 9. umferð.

Ecco_09.umferd.xlsx

 

Bestu kveðjur,

Halldór B. Kristjánsson
898 3795
leturval@litrof.is

Til baka í yfirlit