Garðavöllur verður vinavöllur klúbbsins á komandi tímabili

Garðavöllur verður vinavöllur klúbbsins á komandi tímabili

Margir hafa beðið spenntir eftir að heyra hvort að Garðavöllur á Akranesi verði ekki áfram vinavöllur okkar GR-inga í sumar og því ánægjulegt að kynna þennan níunda vinavöll fyrir félagsmönnum.

Samstarf klúbbana hófst upphaflega árið 2004 og hefur gengið vel, þetta er því fjórtánda árið sem félagsmenn hafa vinavallaraðgang á Akranesi og fögnum við því. Framundan er mikil uppbygging hjá Golfklúbbnum Leyni þar sem bygging á nýrri 1000 m2 félagsaðstöðu við Garðavöll er framundan. Völlurinn er án efa með betri keppnisvöllum landsins og hefur verið með vinsælli vinavöllum félagsmanna GR um árabil.

Sömu reglur gilda áfram, líkt og undanfarin ár, félagsmenn Golfklúbbs Reykjavíkur greiða kr. 2.200 í vallargjald í hvert sinn er þeir leika Garðavöll og skiptir þá ekki máli hvort leiknar séu 9 eða 18 holur. Áður en leikur hefst skal framvísa félagsskírteini og greiða vallargjald í afgreiðslu. Samkomulagið gildir ekki ef félagsmenn leika með hópum, sem gert hafa sérstaka samninga um afslætti af vallargjöldum, eins og t.d fyrirtækjamót. Útbúinn verður bókunarlinkur á síðu GR á www.golf.is undir rástímar – vellir.

Með góðri kveðju,
Golfklúbbur Reykjavíkur

Til baka í yfirlit