GOLFSKÓLI GR - SEX NÁMSKEIÐ Í SUMAR

GOLFSKÓLI GR - SEX NÁMSKEIÐ Í SUMAR

Golfkskóli GR verður starfræktur sumarið 2018 verður boðið upp á sex námskeið sem kennd verða í júní og júlí. Golfskólinn er hugsaður fyrir börn og unglinga á aldrinum 7-15 ára sem eru að stíga sín fyrstu skref í golfíþróttinni. Námskeiðin fara fram á æfingasvæði Bása í Grafarholti og eru kennd frá mánudegi til fimmtudags. Öllum er heimilt að taka þátt hvort sem viðkomandi er félagi í golfklúbbi eða ekki. Hér eru grunnatriði leiksins höfð að leiðarljósi ásamt því að hafa gaman í skemmtilegum hópi.

Skráningar hefjast mánudaginn 30. apríl á  https://grgolf.felog.is/ - þátttökugjald er kr. 18.000 og er gengið frá greiðslu við skráningu. Veittur er 20% systkinaafsláttur (20% af gjaldi annars, þriðja og fleiri systkina).

Innifalið í þátttökugjaldi er:

• 4 daga kennsla í Golfskóla GR
• Aðgangur að Grafarkotsvelli og Thorsvelli út sumarið 2018
• Boltakort í Bása
• Pizzuveisla á lokadegi
• Allir þátttakendur fá Diploma í lok námskeiðs

Námskeiðin eru á eftirtöldum dagsetningum sumarið 2018:

• Námskeið 1 11.-14. júní
• Námskeið 2 18.-21. júní
• Námskeið 3 25.-28. júní
• Námskeið 4 2.-5. júlí
• Námskeið 5 16.-19. júlí
• Námskeið 6 30. júlí-2. Ágúst

Námskeiðin hefjast klukkan 9:00 alla morgna og standa til klukkan 13:00. Mæting er í Básum í Grafarholti þar sem leiðbeinendur taka á móti krökkunum. Þátttakendur eru beðnir um að koma klædd eftir veðri og hafa með aukafatnað, viðbúin öllu. Einnig er æskilegt að hafa með sér hollt nesti og drykk.

Hægt er að fá kylfur lánaðar á staðnum.

Eftir að hafa lokið námskeiði stíga krakkarnir mörg hver inn í starfið hjá klúbbnum og fara að stunda reglubundnar æfingar allt árið um kring.

Hlökkum til að sjá ykkur!

Kveðja,
Þjálfarar

Til baka í yfirlit