Guðmundur Ágúst og Birgir Leifur á Open de Bretagne – meðal efstu eftir fyrsta hring

Guðmundur Ágúst og Birgir Leifur á Open de Bretagne – meðal efstu eftir fyrsta hring

Guðmundur Ágúst Kristjánsson (GR), núverandi Íslandsmeistari í golfi og Birgir Leifur Hafþórsson (GKG), sjöfaldur Íslandsmeistari í golfi, eru báðir á meðal keppenda á Open de Bretagne sem er hluti af Áskorendamótaröðinni. Mótið er leikið á Golf Bluegreen de Pléneuf Val André í Frakklandi um helgina og er mótaröðin sú næst sterkasta hjá atvinnukylfingum í Evrópu.

Þeir Guðmundur og Birgir léku báðir á -3 á fyrsta keppnisdegi og eru á meðal 5 efstu. Guðmundur Ágúst fékk alls 6 fugla á hringnum og 3 skolla en Birgir fékk fimm fugla og 2 skolla.

Fylgjast má með stöðu og skori keppenda hér

Guðmundur Ágúst öðlaðist keppnisrétt á Áskorendamótaröðinni með því að sigra á þremur mótum á Nordic Tour atvinnumótaröðinni á þessu tímabili. Mótið í Frakklandi er það fjórða á tímabilinu hjá Guðmundi. Hann hefur komist í gegnum niðurskurðinn á tveimur þeirra og besti árangur hans er 51. sæti.

Þetta er þriðja mótið á tímabilinu hjá Birgi á þessu tímabili. Hann hefur ekki komist í gegnum niðurskurðinn á fyrstu tveimur mótunum. Birgir Leifur hefur frá árinu 1999 leikið á þessari mótaröð.

Hann sigraði á einu móti árið 2017 og er hann eini íslenski kylfingurinn sem hefur sigrað á atvinnumótaröð í styrkleikaflokki nr. 2.

Við óskum þessum frábæru kylfingum góðs gengis á vellinum um helgina!

Golfklúbbur Reykjavíkur

Til baka í yfirlit