Gufudalsvöllur er sjöundi vinavöllur GR á komandi sumri

Gufudalsvöllur er sjöundi vinavöllur GR á komandi sumri

Golfklúbbur Reykjavíkur hefur endurnýjað vinavallasamning við félaga okkar hjá Golfklúbbi Hveragerðis og er Gufudalsvöllur því sjöundi vinavöllurinn sem félagsmenn geta nýtt sér á komandi sumri.

Golfskálinn í Gufudal er vinalegur heim að sækja, völlurinn er ein af perlunumm í íslensku golfi og hefur verið einn vinsælasti golfvöllur landsins síðustu ár. Gufudalsvöllur skartar stórbrotnu umhverfi og náttúrufyrirbærum sem gera hann einstakan og hefur notið nosturslegrar umhirðu sem skilar sér í ástandi sem jafnast á við það besta á Íslandi.

Félagsmenn GR geta nýtt sér vinavallasamninginn við Hveragerði alla virka daga og geta bókað rástíma með þriggja daga fyrirvara, að öðru leyti gilda sömu reglur um leik á Gufudalsvelli og á öðrum vinavöllum. Félagsmenn GR greiða kr. 2.600 fyrir leik á vellinum sama hvort leiknar eru 9 eða 18 holur. Áður en leikur hefst skulu félagar framvísa félagsskírteini í afgreiðslu og ganga frá greiðslu vallargjalds. Samkomulagið gildir ekki ef félagsmenn leika með hópum sem gert hafa sérstaka samninga um afslætti, sbr. fyrirtækjamót.

Vefsíða Golfklúbbs Hveragerðis

Við fögnum áframhaldandi samstarfi við Golfklúbb Hveragerðis og vonum að félagsmenn komi til með að nýta sér aðganginn að Gufudalsvelli á komandi sumri.

Við vonum að þið njótið helgarinnar og minnum enn og aftur á að það vorar áður en við vitum og við látum okkur hlakka til!

Golfklúbbur Reykjavíkur

Til baka í yfirlit