Gufudalsvöllur nýr í hópi vinavalla GR á komandi sumri

Gufudalsvöllur nýr í hópi vinavalla GR á komandi sumri

Golfklúbbur Reykjavíkur hefur undirritað vinavallasamning við félaga okkar hinu megin Hellisheiðar hjá Golfklúbbi Hveragerðis. Þetta er í fyrsta sinn sem klúbbarnir fara í samstarf og er Gufudalsvöllur jafnframt sjöundi vinavöllurinn sem félagsmenn GR geta nýtt sér aðgang að í sumar.

Golfskálinn í Gufudal er vinalegur heim að sækja, völlurinn er ein af perlunumm í íslensku golfi og hefur verið einn vinsælasti golfvöllur landsins síðustu ár. Gufudalsvöllur skartar stórbrotnu umhverfi og náttúrufyrirbærum sem gera hann einstakan og hefur notið nosturslegrar umhirðu sem skilar sér í ástandi sem jafnast á við það besta á Íslandi.

Félagsmenn GR geta nýtt sér vinavallasamninginn við Hveragerði alla virka daga, að öðru leyti gilda sömu reglur um leik á Gufudalsvelli og á öðrum vinavöllum. Félagsmenn GR greiða kr. 2.500 fyrir leik á vellinum sama hvort leiknar eru 9 eða 18 holur. Áður en leikur hefst skulu félagar framvísa félagsskírteini í afgreiðslu og ganga frá greiðslu vallargjalds. Samkomulagið gildir ekki ef félagsmenn leika með hópum sem gert hafa sérstaka samninga um afslætti, sbr. fyrirtækjamót.

Vefsíða Golfklúbbs Hveragerðis

Við fögnum þessu nýja samstarfi og vonum að félagsmenn komi til með að nýta sér aðganginn að Gufudalsvelli á komandi sumri.

Golfklúbbur Reykjavíkur

Til baka í yfirlit