Hópaskráningar 2019 - umsóknarfrestur til 5. apríl

Hópaskráningar 2019 - umsóknarfrestur til 5. apríl

Golftímabilið 2019 verður hafið áður en við vitum af og er undirbúningur hjá klúbbnum kominn vel af stað, einn þáttur í undirbúningi eru hópaskráningarnar sem Golfklúbbur Reykjavíkur hefur boðið félagsmönnum upp á síðan sumarið 2010 og framhald verður á á komandi sumri.

Umsóknir vegna hópaskráninga 2019 þurfa að berast fyrir föstudaginn 5. apríl á netfangið dora@grgolf.is - eftir þann tíma verður ekki tekið við umsóknum fyrir komandi tímabil. 

Hér má finna þær reglur sem gilda fyrir hópaskráningar 2019:

  • Stærð hópa, ekki færri en 8 og ekki fleiri en 20 manns í hverjum hóp
  • Einungis verði félagsbundnir GR-ingar í hópum, þó verða gestakort og vallarkort gildandi til forbókunar
  • Bókað verður einungis fjóra daga vikunnar; mánudag, þriðjudag, miðvikudag, fimmtudag
  • Hver hópur fær bókaðan tíma fjórum sinnum í mánuði þ.e.a.s. aðra hverja viku á heimavöllum – Grafarholti og Korpu og aðra hverja viku á vinavöllum klúbbsins aðra hverja. 
  • Gengið er út frá því að hópar bóki sig ekki á Grafarholtsvöll og Korpúlfsstaðavöll utan forbókunar
  • Bókun á sér stað frá kl. 08:00 til 14:50, þ.e.a.s. síðasti rástími verður kl.14:50
  • Hópaskráningarnar taka ekki gildi fyrr en báðir vellir GR, Korpan og Grafarholtið, hafa verið formlega opnaðir
  • Breytingar eru samkvæmt skráningarreglum GR um afbókanir

Við röðun verður reynt að verða við óskum hópa um tímasetningar, innan þess tímaramma sem greint er frá hér að ofan. Verði fimm hópar eða fleiri sem óska eftir sama rástíma verða forsvarsmenn þeirra boðaðir til fundar og dregið um tíma.

Verið er að leggja lokahönd á vinavallasamninga og þá velli sem forskráðir verða í sumar. Tilkynnt verður um hvaða vinavelli hópar verða  forskráðir á um leið og það er ljóst.

Ábyrgðarmaður er tilnefndur fyrir hvern hóp og tryggir hann að reglur séu haldnar t.d. að rástímar verði fullnýttir, sjá reglubók GR. Einnig óskum við sérstaklega efir því að ábyrgðarmaður tilkynni hverjum velli fyrir sig tímanlega ef forskráningatímar verða ekki nýttir.

Í umsóknum um hópaskráningar skulu eftirfarandi upplýsingar koma fram:
Ábyrgðamaður: Fullt nafn og netfang
Farsímanúmer hjá ábyrgðamanni
Nöfn og kennitölur hjá öllum í hópnum
Ósk um hvaða vikudag hópurinn vill spila
Ósk um hvaða tíma dags er óskað eftir rástíma

Kveðja,
Golfklúbbur Reykjavíkur

 

Til baka í yfirlit