Jóga fyrir golfara - ný námskeið hefjast 26. febrúar

Jóga fyrir golfara - ný námskeið hefjast 26. febrúar

Nú er lokavikan að klárast á fyrstu námskeiðum ársins í jóga fyrir golfara. Ný námskeið munu hefjast þann 26. febrúar næstkomandi og er skráning hafin hjá World Class og Hreyfingu. Námskeiðin eru sex vikur og verða kennd i Hot Yoga salnum World Class í Smáralind á þriðjudögum og fimmtudögum kl 17:45-18:45 og í Hreyfingu þriðjudaga og fimmtudaga kl 20:00-21:00. 

Til þess að ná árangri i golfinu þurfum við að gera ýmsar æfingar til að styrkja líkamann, auka sveigjanleika og jafnvægi. Þannig fáum við  lengra sveifluferli, kraftmeiri högg og umfram allt aukum við einbeitingu og úthald, minnkum líkur á meiðslum og komumst i betra form fyrir sumarið. Mikilvægasta verkfærið i golfi er líkaminn. VIð náum ekki jafn góðum árangri ef líkaminn er ekki sterkur, stöðugur og sveigjanlegur.

Æfingarnar eru til þess fallnar að auka vöðvajafnvægi sem skila sér í betri sveiflu og bæta líkamlega þætti sem auka líkur á betri frammistöðu á vellinum. Miklu máli skiptir að auka líkamsvitund og hreyfifærni líkamans. Ég legg áherslu á styrk, stöðugleika, snúninga og öndun sem hjálpar til að ná einbeitingu og bæta úthald. þegar fólk nær að tengja öndunina inn í æfingarnar áttar það sig á því að það opnar og lengir líkamann á innöndun og getur snúið sér. Ég legg áherslu á að því að fólki líði vel í lok hvers tíma.

Skráning World Class

Skráning Hreyfing

Jóga fyrir golfara á facebook

Með kveðju,
Birgitta Guðmundsdóttir
Jógakennari

Til baka í yfirlit