Meistaramót: Lokahóf & verðlaunaafhending laugardaginn 13. júlí

Meistaramót: Lokahóf & verðlaunaafhending laugardaginn 13. júlí

Lokahóf & verðlaunaafhending Meistaramóts GR 2019 verður haldið á 2. hæð Korpunnar laugardagskvöldið 13. júlí. Allir þátttakendur í mótinu fá afhentan aðgöngumiða í lokahóf á síðasta keppnisdegi sem framvísa þarf hjá starfsfólki í veitingasölu þegar mætt er á laugardag.

Salurinn opnar kl. 18:00 og verður boðið upp á veitingar að hætti Korpa klúbbhús, taka skal tillit til þess að salurinn verður tvísetinn og því ekki úr vegi að mæta snemma og fylgjast með keppendum ljúka leik. Verðlaunaafhending er áætluð um kl. 21:00, þegar klúbbmeistarar GR árið 2019 hafa verið krýndir mun hljómsveitin Næsland mæta á svið og keyra í gang sannkallaða sveitaballastemmningu á hlöðuloftinu, að því loknu tekur DJ PÓS við keflinu og spilar taumlausa takta fram eftir nóttu.

Fyrir þá sem ekki taka þátt í mótinu en vilja mæta í Lokahóf –  borða og gleðjast með okkur á laugardag þá er hægt að kaupa miða í afgreiðslunni hjá Korpa klúbbhús og kostar kr. 4.800. Hægt er að kaupa miða frá og með deginum í dag.

Nokkur atriði:

  • 20 ára aldurstakmark er á svæðið
  • Ekki þarf að skrá sig sérstaklega í Lokahóf
  • Mikilvægt er að muna eftir aðgangsmiða

Hlökkum til að gleðjast með ykkur á laugardag!

Golfklúbbur Reykjavíkur

Til baka í yfirlit