Mercedes-Benz bikarinn – forkeppni leikin fram á föstudag

Mercedes-Benz bikarinn – forkeppni leikin fram á föstudag

Forkeppni í Mercedes-Benz bikarnum - Holukeppni GR hefur verið framlengt til föstudagsins 15. júní. Forkeppnin er venjuleg punktakeppni og munu 128 punktahæstu keppendurnir komast áfram í holukeppnina sem leikin verður með útsláttarfyrirkomulagi. Veglegir vinningar verða í boði.

Þeir keppendur sem þátt í forkeppninni bóka rástíma á einhverjum þeim degi sem forkeppnin er opin og má það vera hvort sem er á Grafarholts- eða Korpúlfsstaðavelli. Áður en leikur hefst þarf að skrá sig til leiks í keppninni í afgreiðslu, gefa upp símanúmer og netfang. Keppendum í forkeppni er heimilt að leika eins marga hringi og þeir kjósa þá daga sem forkeppni stendur yfir. Greiða þarf kr. 1.200 fyrir hvern leikinn hring.

Í forkeppninni leika karlar af gulum teigum og konur af rauðum teigum. Hæst er gefin leikforgjöf 28 bæði hjá körlum og konum.

Að lokinni forkeppni verður tilkynnt hverjir komast áfram í holukeppnina og dregið verður um hverjir mætast. Holukeppnin hefst svo strax að lokinni forkeppni og þeir sem öðlast þátttökurétt þar hafa að jafnaði um tvær vikur til þess að finna sér leiktíma og leikdag í samráði við keppinaut sinn. Keppnin mun því standa yfir í allt sumar.

Mótstjóri holukeppninnar er Atli Þór Þorvaldsson og er hægt að hafa samband við Atla í gegnum netfangið holukeppni@grgolf.is eða í síma 894-2811.

Golfklúbbur Reykjavíkur

Til baka í yfirlit