Mjólkursamsalan - mótaröð eldri kylfinga, þriðja umferð leikin á morgun

Mjólkursamsalan - mótaröð eldri kylfinga, þriðja umferð leikin á morgun

Þriðja umferð í Mjólkursamsalan - mótaröð eldri kylfinga verður leikin á Korpu á morgun, þriðjudaginn 25. júlí. Fjórða umferð í mótaröðinni verður svo leikin þriðjudaginn 1. ágúst og mun sá leikur fara fram í Grafarholti.

Þrír bestu hringirnir telja til verðlauna á mótaröðinni, þannig að í höggleiknum telja 3 bestu skorin í höggum talið og í punktakeppni telja samanlagt þrír punktahæstu hringirnir. Keppendur þurfa því að taka þátt og skila inn skori í að minnsta kosti þremur mótum af fjórum til þess að vinna til verðlauna. Veitt verða verðlaun fyrir þrjú efstu sætin í punktakeppni og höggleik í báðum flokkum karla og kvenna. Skipting í flokka kemur fram hér að neðan. Sami keppandinn getur ekki unnið til verðlauna fyrir bæði punktakeppni og höggleik.

Verði keppendur í verðlaunasætum jafnir að höggum eða punktum ræðst röð af fjölda mótasigra á mótaröðinni. Sé það jafnt ræður besta skor, síðan næst besta og svo koll af kolli þar til röð keppenda í verðlaunasæti liggur fyrir.

Þrír fyrstu hringirnir í höggleiknum á mótaröðinni verða hafðir til hliðsjónar við val kvennasveita GR fyrir sveitakeppnina og er vísað til reglugerðar um sveitakeppni til nánari skýringa.

Dagsetningar mótanna eru eftirtaldar:
Korpúlfsstaðavöllur, 20. Júní
Korpúlfsstaðarvöllur, 19. Júlí
Korpúlfsstaðavöllur, 25. júlí
Grafarholtsvöllur, 1. ágúst
Grafarholtsvöllur 3. september

Eftir að síðasta umferðin hefur verið leikin fer fram lokahóf fyrir þátttakendur á Korpúlfsstöðum. Dagsetning fyrir hófið og fyrirkomulag verður kynnt þegar nær dregur.

Skipting flokka í mótaröðinni verður sem hér segir:
Kvennaflokkur: 50-64 ára – Rauðir teigar
Kvennaflokkur: 65 og eldri – Rauðir teigar
Karlaflokkur: 50-69 ára – Gulir teigar
Karlaflokkur: 70 ára og eldri – Rauðir teigar

Þátttakendur verða að bóka sína rástíma sjálfir og það má vera hvenær sem er á viðkomandi leikdegi. Mótsgjald er 1.500 kr. sem greiða þarf í golfbúðinni áður en leikur hefst á þeim velli sem spilað er á hverju sinni. Að leik loknum skila menn svo inn skorkorti með kennitölu og undirskrift frá meðspilara í þar til gerðan kassa sem staðsettur verður í golfbúðinni.

Tilboð verður í veitingasölu fyrir keppendur þá daga sem mótin verða haldin bæði á Korpúlfsstöðum og í Grafarholti.

Mótsstjóri mótaraðarinnar er Atli Þór Þorvaldsson.

Nefnd eldri kylfinga

Til baka í yfirlit