Nordic tour atvinnumótaröðin - fimm íslenskir kylfingar meðal keppenda á Spáni

Nordic tour atvinnumótaröðin - fimm íslenskir kylfingar meðal keppenda á Spáni

Keppni á Nordic Tour atvinnumótaröðinni hófst á Spáni síðastliðinn sunnudag og eru fimm íslenskir kylfingar meðal keppenda, þar af þrír GR-ingar, þeir Guðmundur Ágúst Kristjánsson, Haraldur Franklín Magnús og Andri Þór Björnsson. Ásamt þeim eru það Axel Bóasson úr GKG og Aron Bergsson sem búsettur er í Svíþjóð.

Keppnin, SGT  Winter Series Lumine Hills Open stendur fram til sunnudagsins 3. mars og er leikið á tveimur keppnisvöllum – Hills og Lakes. Fyrstu þrír hringirnir eru leiknir á Hills vellinum og lýkur leik þar í dag. Á föstudag, 1. mars, hefst svo keppni á Lakes vellinum þar sem einnig verða leiknir þrír hringir og lýkur keppni þar á sunnudag.

Hægt er að fylgjast með skori og stöðu keppenda hér

Við óskum íslensku kylfingunum góðs gengis á Spáni í dag og næstu daga.

Golfklúbbur Reykjavíkur

Til baka í yfirlit