Púttmótaröð GR kvenna - mjótt á munum á toppnum eftir 8. umferð

Púttmótaröð GR kvenna - mjótt á munum á toppnum eftir 8. umferð

Kæru GR konur,

Líkt og undanfarin púttkvöld var góð stemning á Korpunni á áttunda og næstsíðasta púttkvöldi GR kvenna. Um hundrað konur tóku þátt í púttinu og spjölluðu og spáðu eins og enginn væri morgundagurinn. Á fæstum höggum þetta þriðjudagskvöld fór Guðbjörg Árnadóttir en hún fór betri hringinn sinn á 25 höggum sem er besta skorið í vetur. 

Nú að mótinu sjálfu, Púttmótaröð GR kvenna 2019, þar er spennan í hámarki!

Mjög mjótt er á munum á toppnum, Linda Björk Bergsveinsdóttir er ennþá í fyrsta sæti á 112 höggum og svo fylgja hinar fast á eftir. Níunda og síðasta púttkvöldið verður næsta þriðjudag og þá kemur í ljós hver verður krýnd Púttmeistari GR kvenna árið 2019. 

Meðfylgjandi er staðan að loknum 8 púttum:
puttmótaröð 2019 19. mars.pdf
puttmótaröð 2019 staðan eftir 8. umferd.pdf

Til að krýna og fagna nýkrýndum púttmeistara er boðið til veislu að pútti loknu á Korpunni næsta þriðjudag. Þá verður líka dregið úr skorkortum svo það er alveg þess virði að staldra við og njóta léttra veitinga og góðs félagsskapar um leið og við gleðjumst.

Við opnum húsið á sama tíma og venjulega eða kl. 18:00 og púttum fram til kl.21:00. Veitingar og verðlaunaafhending að púttinu loknu.

Sjáumst á þriðjudag! 

Kær kveðja,
Kvennanefndin

 

Til baka í yfirlit