Púttmótaröð GR kvenna - sviptingar á toppsætum

Púttmótaröð GR kvenna - sviptingar á toppsætum

Spennan eykst í púttmótaröð GR kvenna sem fer fram þessa dagana í Korpunni.

Mjótt er á munum og miklar sviptingar á toppsætunum í keppninni.

Rúmlega 120 konur létu þunga færð í efri byggðum ekki á sig fá og mættu galvaskar á 5.púttkvöld vetrarins enda hlýtt og gott innandyra í Korpunni svo ekki sé talað um félagsskapinn sem jafnan er ljúfur.

Sandra Margrét átti draumahringinn sinn, fór völlinn á 26 höggum, sem var besta frammistaða dagsins, og skaust með því upp í efsta sætið sem hún vermir með Láru Eymunds en þær tvær hafa farið 4 bestu hringina sína á samtals 117 höggum.

Enn eru 4 skipti eftir og getur allt gerst því aðeins munar þremur höggum á 1. og 10.sætinu.

Söndru bíður glaðningur næsta þriðjudag í viðurkenningarskyni fyrir góðan hring.

Sjáumst kátar næsta þriðjudag

Í viðhengi er staðan í mótinu.

Kær kveðja
Kvennanefndin

putt_5_2018.xlsm

Til baka í yfirlit