Skráning í Meistaramót GR í fullum gangi á golf.is

Skráning í Meistaramót GR í fullum gangi á golf.is

Það styttist í Meistaramótsviku hjá Golfklúbbi Reykjavíkur en Meistaramót GR 2018 hefst næstkomandi sunnudag, 8. júlí og stendur fram til laugardagsins 14. júlí. Skráning í mótið er í fullum gangi á golf.is og lýkur í hádegi á fimmtudag.

Eins og undanfarin ár verður leikið verður á Grafarholtsvelli og á Korpúlfsstaðarvelli. Sunnudaginn 8. júlí til þriðjudagsins 10. júlí leika allir barna- og unglingaflokkar, allir öldungaflokkar, 3. flokkur karla og kvenna, 4. og 5. flokkur karla. Þessir flokkar leika 54 holur í mótinu. Miðvikudaginn 11. júlí til laugardagsins 14. júlí leika 2.flokkur karla og kvenna, 1.flokkur karla og kvenna og Meistaraflokkur karla og kvenna. Þessir flokkar leika 72 holur.

Tilkynnt hefur verið um breytingar sem gerðar hafa verið á leikfyrirkomulagi í efstu flokkunum en 4. og 5. flokkur karla og 3. og 4. flokkur kvenna en þessir flokkar munu leika punktakeppni í mótinu.

Mótsgjöld í Meistaramót:
72 holur = 9.800 kr.
54 holur = 8.800 kr.
10 ára og yngri = 3.500 kr.
11 ára og eldri = 6.800 kr.

Reglubók Golfklúbbs Reykjavíkur - Skráning og mætingar í mót.
9.1 Mótshaldara er heimilt að krefjast greiðslu þátttökugjalda við skráningu. Keppandi á ekki rétt á endurgreiðslu þátttökugjalds boði hann forföll til mótsstjórnar/nefndarinnar, síðar en kl. 18.00 daginn fyrir fyrsta keppnisdag.  

Við hvetjum félagsmenn á öllum aldri til að skrá sig og fjölmenna í þennan stærsta viðburð sumarsins hjá klúbbnum.

Golfklúbbur Reykjavíkur

Til baka í yfirlit