Strandarvöllur áfram í hópi vinavalla Golfklúbbs Reykjavíkur

Strandarvöllur áfram í hópi vinavalla Golfklúbbs Reykjavíkur

Golfklúbbur Reykjavíkur og Golfklúbbur Hellu hafa undirritað áframhaldandi vinavallasamning fyrir árið 2019. Samingurinn mun gilda frá 1. maí til 30. september og verður vallargjaldið kr. 2.600.

Þetta er í sautjánda sinn sem klúbbarnir gera með sér vinavallasamning og hafa félagsmenn GR verið duglegir að nýta sér það að spila á Strandarvelli. Hjá Golfklúbbi Hellu er að finna allt það sem góðum klúbbi sæmir og kylfingur þarf – æfingasvæði og púttflöt auk glæsilegs klúbbhúss sem býður upp á fyrsta flokks veitingar fyrir eða eftir leik.

Sömu reglur gilda um leik á Strandavelli og á öðrum vinavöllum, félagsmenn GR greiða kr. 2.600 fyrir leik á vellinum sama hvort leiknar eru 9 eða 18 holur. Áður en leikur hefst skulu félagar framvísa félagsskírteini í afgreiðslu og ganga frá greiðslu vallargjalds. Samkomulagið gildir ekki ef félagsmenn leika með hópum sem gert hafa sérstaka samninga um afslætti, sbr. fyrirtækjamót.

Golfklúbbur Reykjavíkur

Til baka í yfirlit