Svarfhólsvöllur er sá þriðji í röð vinavalla fyrir golfsumarið 2019

Svarfhólsvöllur er sá þriðji í röð vinavalla fyrir golfsumarið 2019

Þriðji vinavöllur GR  fyrir golftímabilið 2019 er Svarfhólsvöllur hjá Golfklúbbi Selfoss. Þetta er fjórða árið í röð sem klúbbarnir fara í samstarf og þykir okkur ánægjulegt að halda samstarfinu áfram enda hefur völlurinn verið vel sóttur af félagsmönnum. Svarfhólsvöllur er glæsilegur 9 holu völlur á besta stað á Selfossi. Golfklúbbur Selfoss hefur upp á allt að bjóða fyrir kylfinga áður en haldið er af stað á völlinn - glæsilegt klúbbhús, veitingaaðstöðu og æfingasvæði.

Sömu reglur gilda á Svarfhólsvelli eins og öðrum vinavöllum GR sumarið 2019. Félagsmenn Golfklúbbs Reykjavíkur greiða kr. 2.000 í vallargjald í hvert sinn er þeir leika á Svarfhólsvelli og skiptir ekki máli hvort leiknar séu 9 eða 18 holur. Áður en leikur hefst skulu félagar framvísa félagsskírteini og greiða vallargjald í afgreiðslu. Samkomulagið gildir ekki ef félagsmenn leika með hópum, sem gert hafa sérstaka samninga um afslætti af vallargjöldum, eins og t.d fyrirtækjamót.

Útbúinn verður bókunarlinkur á síðu GR á www.golf.is undir rástímar – vellir.

Hamarsvöllur hjá Golfklúbbi Borgarness og Kirkjubólsvöllur hjá Golfklúbbi Sandgerðis eru þeir vinavellir sem áður hafa verið kynntir fyrir komandi tímabil.

Kær kveðja, 
Golfklúbbur Reykjavíkur

Til baka í yfirlit