Þriðji vinavallasamningur sumarsins undirritaður

Þriðji vinavallasamningur sumarsins undirritaður

Biðin eftir íslenska golfsumrinu 2020 styttist eftir því sem vikunum líður og sól hækkar á lofti. Vinna við vinavallasamninga fyrir sumarið er í fullum gangi og hafa tveir vellir þegar verið kynntir. Þriðji samningurinn sem hefur verið undirritaður er við Kirkjubólsvöll hjá Golfklúbbi Sandgerðis og er það fimmta árið í röð sem klúbbarnir gera með sér samstarf.

Golfklúbbur Sandgerðis var stofnaður 24. apríl 1986 og hefur verið í stöðugri uppbyggingu síðan. Völlurinn er strandarvöllur, staðsettur að Vallarhúsum, sem liggur mitt á milli Sandgerðis og Garðs. Hjá Golfklúbbi Sandgerðis er öll sú þjónusta sem kylfingar óska eftir þegar vinavöllur er heimsóttur - glæsilegt klúbbhús sem býður upp á fyrsta flokks veitingar og púttflöt þar sem hægt er að æfa stutta spilið.

Sömu reglur gilda á Kirkjubólsvelli eins og áður á vinavöllum, félagsmenn Golfklúbbs Reykjavíkur greiða kr. 2.700 í vallargjald í hvert sinn er þeir leika Kirkjubólsvöll og skiptir þá ekki máli hvort leiknar séu 9 eða 18 holur. Áður en leikur hefst skulu félagar framvísa félagsskírteini sínu og greiða vallargjald í afgreiðslu. Samkomulagið gildir ekki ef félagsmenn leika með hópum, sem gert hafa sérstaka samninga um afslætti af vallargjöldum, eins og t.d fyrirtækjamót.

Þegar nær dregur vori verður kynnt frekar fyrir félagsmönnum hvernig bókun á vinavöllum fer fram í nýju tölvukerfi, Golfbox.

Hægt er að kynna sér vinavelli félagsins á undirsíðunni Vinavellir hér á grgolf.is

Með kærri kveðju,
Golfklúbbur Reykjavíkur

Til baka í yfirlit