Úrval Útsýn - lokaumferð og lokahóf á Korpunni á morgun, miðvikudag

Úrval Útsýn - lokaumferð og lokahóf á Korpunni á morgun, miðvikudag

Sumarið líður með eindæmum hratt og það er komið að síðasta mótinu í Úrval Útsýn sumarmótaröð GR kvenna árið 2018. Að þessu sinni verður spilað á Korpunni miðvikudaginn 22.ágúst og endar dagurinn með lokahófi um kvöldið þar sem veittar verðar viðurkenningar til þeirra kvenna sem stóðu sig hvað best í öllum mótunum í sumar. 

Veitt verða verðlaun fyrir 1. sætið í punktakeppni um Úrval Útsýn sumarmeistara GR kvenna, verðlaun fyrir flesta punkta í mótunum í maí, júní, júlí og ágúst og verðlaun fyrir að vera næst holu á völdum brautum í hverju móti. Að sjálfsögðu verður dregið úr fjölda skorkorta að vanda. 

Verðlaunaafhendingin verður á efri hæðinni í Korpunni og hefst um kl. 21:00 þar sem léttar veitingar verða í boði. Til að áætla fjölda vegna veitinga hefur verður stofnaður viðburður á Facebook síðunni okkar sem við biðjum ykkur um að melda ykkur á eða senda okkur póst á þetta netfang séuð þið ekki á Facebook.

Til að allar séu komnar inn þegar lokahófið hefst er síðasti rástími í mótinu kl.16.40. Birtu er hvort eð er tekið að bregða á þessum tíma svo ekki ætti miklu að muna. Kallarnir okkar verða hvattir til að hliðra til með sína rástíma svo sem flestar geti spilað þennan dag. 

Hlökkum til að sjá ykkur á miðvikudag 

Kær kveðja,
Kvennanefndin

 

Til baka í yfirlit