Vinavöllur númer tvö golfsumarið 2019 er Kirkjubólsvöllur í Sandgerði

Vinavöllur númer tvö golfsumarið 2019 er Kirkjubólsvöllur í Sandgerði

Annar vinavöllur okkar GR-inga golfsumarið 2019 er Kirkjubólsvöllur hjá Golfklúbbi Sandgerðis. Þetta er fjórða golfsumarið sem klúbbarnir fara í samstarf og okkur þykir ánægjulegt að tilkynna félagsmönnum þennan áframhaldandi kost í vinavöllum. Golfklúbbur Sandgerðis var stofnaður 24. apríl 1986 og hefur verið í stöðugri uppbyggingu síðan. Völlurinn er strandarvöllur, staðsettur að Vallarhúsum, sem liggur mitt á milli Sandgerðis og Garðs. Hjá Golfklúbbi Sandgerðis er öll sú þjónusta sem kylfingar óska eftir þegar vinavöllur er heimsóttur - glæsilegt klúbbhús sem býður upp á fyrsta flokks veitingar og púttflöt þar sem hægt er að æfa stutta spilið.

Sömu reglur gilda á Kirkjubólsvelli eins og öðrum vinavöllum GR fyrir sumarið 2019. Félagsmenn Golfklúbbs Reykjavíkur greiða kr. 2.500 í vallargjald í hvert sinn er þeir leika Kirkjubólsvöll og skiptir þá ekki máli hvort leiknar séu 9 eða 18 holur. Áður en leikur hefst skulu félagar framvísa félagsskírteini sínu og greiða vallargjald í afgreiðslu. Samkomulagið gildir ekki ef félagsmenn leika með hópum, sem gert hafa sérstaka samninga um afslætti af vallargjöldum, eins og t.d fyrirtækjamót.

Útbúinn verður bókunarlinkur á síðu GR á www.golf.is undir rástímar – vellir.

Í síðustu viku var fyrsti vinavöllurinn kynntur en það er Hamarsvöllur hjá Golfklúbbi Borgarness.

Með kærri kveðju,
Golfklúbbur Reykjavíkur

Til baka í yfirlit