Vinavöllur númer tvö – Svarfhólsvöllur

Vinavöllur númer tvö – Svarfhólsvöllur

Annar vinavöllur okkar GR-inga fyrir komandi tímabil er Svarfhólsvöllur hjá Golfklúbbi Selfoss. Þetta er þriðja árið sem klúbbarnir fara í samstarf og þykir okkur afar ánægjulegt að halda samstarfinu áfram. Svarfhólsvöllur er glæsilegur 9 holu völlur á besta stað á Selfossi. Það er allt í boði fyrir félagsmenn okkar þegar Golfklúbbur Selfoss er heimsóttur - glæsilegt klúbbhús, veitingaaðstaða og æfingasvæði. Í raun allt það sem félagsmenn GR þurfa áður haldið er af stað á völlinn.

Sömu reglur gilda á Svarfhólsvelli eins og öðrum vinavöllum GR sumarið 2018. Félagsmenn Golfklúbbs Reykjavíkur greiða kr. 1.800 í vallargjald í hvert sinn er þeir leika á Svarfhólsvelli og skiptir ekki máli hvort leiknar séu 9 eða 18 holur. Áður en leikur hefst skulu félagar framvísa félagsskírteini og greiða vallargjald í afgreiðslu. Samkomulagið gildir ekki ef félagsmenn leika með hópum, sem gert hafa sérstaka samninga um afslætti af vallargjöldum, eins og t.d fyrirtækjamót.

Útbúinn verður bókunarlinkur á síðu GR á www.golf.is undir rástímar – vellir.

Kær kveðja,
Golfklúbbur Reykjavíkur

Til baka í yfirlit