Börn & unglingar

Metnaðarfullt barna- og unglingastarf, ætlað aldurshópnum 6-18 ára, er rekið allt árið hjá Golfklúbbi Reykjavíkur. Starfið hefur alið af sér kylfinga sem eru meðal þeirra fremstu og hefur skilað klúbbnum glæsilegum sigrum í öllum flokkum.

Barna- og unglingastarf klúbbsins fer fram undir handleiðslu vel menntaðra PGA golfkennara sem leggja metnað sinn í að kynna allar hliðar golfíþróttarinnar fyrir ungmennum. Mikið er lagt upp úr því að auka færni og hjálpa þeim að mótast sem kylfingar og einstaklingar í heilbrigðu umhverfi.

Við tökum vel á móti nýjum iðkendum og bjóðum þá hjartanlega velkomna í hópinn. Öllum er velkomið að koma og prufa æfingar hjá okkur. Við vonumst til að sem flestir finni sig vel í starfinu og hafi gaman af því að stunda golfæfingar í góðra vina hópi.

Hægt er að er ráðstafa frístundarstyrk sveitarfélaga upp í æfingagjöld hjá klúbbnum.



Æfingagjöld

Golfklúbbur Reykjavíkur býður upp á þrjár mismunandi skráningarleiðir barna og unglinga í klúbbinn og er hægt að nýta frístundastyrk sveitafélaganna til ráðstöfunar æfingagjalda. Eftirfarandi leiðir eru í boði:

Heilsársæfingar, kr. 48.800
Sumar- og vetraræfingar frá jan-des (3-5 æfingar í viku)
Aðgangur að völlum GR
Spil undir merkjum GR
Mótaraðir
Meistaramót
Æfingaferð erlendis
Líkamsþjálfun
Hugarþjálfun
Fyrirlestrar
Aðrir viðburðir

Hálfsársæfingar, kr. 28.250
Æfingar frá 1. júní - 31. desember (2-3 æfingar á viku)
Takmarkaður aðgangur að völlum GR (fyrir kl. 14:00 á virkum/eftir kl. 14:00 um helgar)
Spil undir merkjum GR
Mótaraðir
Meistaramót
Aðrir viðburðir

Sumaræfingar, kr. 17.950
Sumaræfingar frá 1. júní - 15. september (1x opin hópæfing í viku)
Takmarkaður aðgangur að völlum GR (fyrir kl. 14:00 á virkum/eftir kl. 14:00 um helgar)
Spil undir merkjum GR
Mótaraðir
Meistaramót
Aðrir viðburðir

Skráning

Skráning og greiðsla fer fram í gegnum Nora kerfið á https://grgolf.felog.is/

Frekari upplýsingar um barna- og unglingastarf er hægt að nálgast hjá yfirþjálfara GR eða á skrifstofu í síma 585-0200.

SAMSKIPTARÁÐGJAFI ÍÞRÓTTA OG ÆSKULÝÐSSTARFS

Samskiptaráðgjafi íþrótta- og æskulýðsstarfs hefur það markmið að auka öryggi í íþrótta- og æskulýðsstarfi barna, ungmenna og fullorðinna. Markmiðið er að allir geti tekið virkan þátt á sínum vettvangi og jafnframt leitað sér aðstoðar eða leitað réttar síns vegna atvika og misgerða sem hafa átt sér stað án þess að óttast afleiðingar.

Þjónusta og ráðgjöf samskiptaráðgjafa stendur öllum þeim til boða sem tilheyra skipulögðu íþrótta- og æskulýðsstarfi á landinu.

Hægt er að fá ítarlegri upplýsingar um starf samskiptaráðgjafa með því að smella á hnappinn hér til hliðar