Guðrún Brá og Haraldur Franklín valin kylfingar ársins 2021

Guðrún Brá og Haraldur Franklín valin kylfingar ársins 2021

Golfsamband Íslands hefur valið kylfinga ársins 2021 og er þeir þau Guðrún Brá Björgvinsdóttir úr Golfklúbbnum Keili og Haraldur Franklín Magnús úr Golfklúbbi Reykjavíkur.

Árið 1973 var fyrsta kjörið hjá GSÍ á kylfingi ársins en frá árinu 1998 hafa karl og kona verið valin sem kylfingar ársins. Þetta er því í 24. skiptið þar sem tveir einstaklingar eru valdir sem kylfingar ársins hjá GSÍ, kona og karl.

Guðrún Brá hlýtur viðurkenninguna í annað sinn núna í ár og er þetta í þriðja sinn sem Haraldur Franklín hlýtur viðurkenningu sem kylfingur ársins.

Birgir Leifur Hafþórsson hefur oftast verið kjörinn kylfingur ársins í karlaflokki eða alls 11 sinnum. Ólafía Þórunn Kristinsdóttir er sú sem oftast hefur fengið þessa viðurkenningu hjá konunum eða alls sex sinnum.

Sjá má frétt sem birt var á golf.is um val á kylfingum ársins hér

Við óskum þeim Guðrúnu Brá og Haraldi Franklin Magnús innilega til hamingju með viðurkenninguna.

Golfklúbbur Reykjavíkur

Til baka í yfirlit