Haraldur Franklín Magnús stígur á stóra sviðið í dag þegar hann hefur leik á The Open á Carnoustie vellinum í Skotlandi. Haraldur á rástíma kl. 10:53 að staðartíma eða 09:53 að íslenskum tíma og er í ráshóp með James Robinson frá Englandi og Zander Lombard frá Suður-Afríku. Þeir þrír munu leika saman fyrstu tvo keppnisdagana en mótið stendur fram á sunnudag. 

Golfsambandið mun lýsa mótinu í beinni á vef sínum www.golf.is

Stöðu og skori keppenda er hægt að fylgjast með hér

Við hlökkum til að fylgjast með leik Haralds í dag og óskum okkar manni alls hins besta á sínu fyrsta risamóti. 

Golfklúbbur Reykjavíkur