Haraldur Franklín í 39. sæti á Áskorendamótaröðinni í Portúgal um helgina

Haraldur Franklín í 39. sæti á Áskorendamótaröðinni í Portúgal um helgina

Haraldur Franklín Magnús, GR, endaði í 39. sæti á Open de Portugal mótinu sem leikið var á Áskorendamótaröðinni um liðna helgi. Haraldur Franklín lék hringina fjóra á -4 samtals en hann lék lokahringinn á 5 höggum undir pari (70-72-75-67). Marcel Schneider frá Þýskalandi varð sigurvegari mótsins á samtals 19 höggum undir pari.

Haraldur Franklín er nú í 47. sæti á stigalista Áskorendamótaraðarinnar þegar aðeins eru fjögur mót eftir á keppnisdagskránni  á þessu tímabili. Guðmundur Ágúst Kristjánsson var einnig meðal keppenda á móti helgarinnar en hann lék fyrstu tvo hringina á pari samtals sem dugði ekki til að komast í gegnum niðurskurðinn.

Næsta mót á Áskorendamótaröðinni fer fer fram í Frakklandi dagana 30. september – 3. október, Swiss Challenge mótið. Að því móti loknu fara tvö mót fram á Spáni og eru það síðustu mótin fyrir lokamótið á Mallorca en á það komast 45 efstu á stigalista Áskorendamótaraðarinnar og 20 efstu að því móti loknu fá keppnisrétt á Evrópumótaröðinni.

Við óskum Haraldi Franklín til hamingju með árangur helgarinnar og hlökkum til að fylgjast með næstu mótum.

Golfklúbbur Reykjavíkur

Til baka í yfirlit