Háttvísisbikarinn 2020 hlaut Tómas Eiríksson Hjaltested

Háttvísisbikarinn 2020 hlaut Tómas Eiríksson Hjaltested

Háttvísisbikarinn er gjöf frá GSÍ í tilefni af 70 ára afmæli GR og er hann veittur ár hvert þeim kylfingi undir 18 ára aldri sem endurspeglar hvað mest þá eiginleika sem GR-ingar vilja sjá í afreksunglingum sínum. Sá sem hlýtur háttvísibikarinn þarf að hafa mikinn íþróttaanda, gefast aldrei upp, sýna miklar framfarir, vera sér og klúbbnum til mikils sóma bæði innan vallar sem utan og umfram allt vera fyrirmynd fyrir aðra í kringum sig.

Tómas Eiríksson Hjaltested hlýtur viðurkenninguna í ár. Tómas er mikil og sterk fyrirmynd fyrir aðra iðkendur, er mjög duglegur við æfingar og hefur sýnt jafnar og góðar framfarir undanfarin árin.

Spilamennska Tómasar var mjög góð árið 2020. Tómas stóð sig með prýði á Hacienda Del Alamo Open atvinnumannamótinu á Spáni í febrúar síðastliðinn þar sem hann endaði í 9. sæti á á fjórum höggum undir pari. Á íslenskri grundu náði hann góðum árangri. Hann endaði í 7. sæti á Íslandsmótinu í höggleik og hampaði stigameistaratitli 17-18 ára eftir góða frammistöðu á unglingamótaröðinni allt sumarið sem innihélt meðal annars sigur á Nettó mótinu og 3. sæti á Íslandsmótinu í holukeppni. Tómas er alltaf til fyrirmyndar, bæði innan vallar sem utan og er glæsilegur fulltrúi Golfklúbbs Reykjavíkur.

Þetta er í 17. skipti sem bikarinn er afhentur og þeir sem hafa áður fengið útnefninguna eru eftirfarandi kylfingar:

2004 Þórður Rafn Gissurarson
2005 Hanna Lilja Sigurðardóttir
2006 Guðni Fannar Carrico
2007 Ólafía Þórunn Kristinsdóttir
2008 Ólafía Þórunn Kristinsdóttir
2009 Andri Þór Björnsson
2010 Guðmundur Ágúst Kristjánsson
2011 Sunna Víðisdóttir
2012 Ragnhildur Kristinsdóttir
2013 Saga Traustadóttir
2014 Ingvar Andri Magnússon
2015 Gerður Hrönn Ragnarsdóttir
2016 Dagbjartur Sigurbrandsson
2017 Böðvar Bragi Pálsson
2018 Elvar Már Kristinsson
2019 Jóhanna Lea Lúðvíksdóttir
 
Golfklúbbur Reykjavíkur óskar Tómasi til hamingju með Háttvísibikarinn 2020

Til baka í yfirlit