Haustmót GR kvenna 2021 haldið 19. september - skráning stendur yfir

Haustmót GR kvenna 2021 haldið 19. september - skráning stendur yfir

Það er komið að síðasta viðburði GR kvenna þetta sumarið, sjálfu Haustmóti GR kvenna.

Haustmótið verður haldið sunnudaginn 19. september á Grafarholtsvelli. Ræst verður út af öllum teigum kl. 10:00, mæting kl. 09:00. Keppnisfyrirkomulag mótsins er Greensome þar sem tveir leikmenn mynda lið. Báðir slá af teig og velja síðan betra teighöggið. Eftir það er slegið til skiptis, sú sem átti teighöggið sem var ekki valið slær þá annað höggið og svo koll af kolli þangað til leikmenn klára holuna. Til að mynda liðsforgjöf fær liðið 40% af leikforgjöf hærri leikmanns og 60% af lægri leikforgjöf, hámarksforgjöf er 28.

Veitt verða verðlaun fyrir 5 efstu sætin í mótinu. Nándarverðlaun verða veitt á öllum par 3 brautum og lengsta drive á 3. braut. Dregið verður úr skorkortum að leik loknum.

Skráning í mótið stendur yfir og fer þannig fram:

Farið er í rástímaskráningu í Golfbox og valinn er völlurinn „GR – Haustmót GR kvenna“ á dagsetningu mótsins 19.09.2021 - eingöngu hægt að bóka tvo leikmenn (eitt lið) í hvert holl.

ATH! Rástímarnir birtast á 5 mínútna fresti en þeir sem eru skráðir kl. 10:00 og 10:05 fara út á sama rásteig, 10:10 og 10:15 fara saman o.s.frv. Daginn fyrir mót verða réttir rásteigar sendir út á keppendur.  

Mótsgjald er kr. 6.000 og þarf að millifæra greiðslu inn á reikning 537-14-000848, kt. 160672-4049. Innifalið í mótsgjaldi er teiggjöf og hádegisverður.  

Hlökkum til að sjá ykkur!
Kvennanefnd

Til baka í yfirlit