Hjálpumst öll að við endurvinnsluna - fleiri flokkunartunnur komið fyrir á völlum GR

Hjálpumst öll að við endurvinnsluna - fleiri flokkunartunnur komið fyrir á völlum GR

Kynnt var fyrir félagsmönnum fyrr í sumar að allar ruslatunnur hafi verið fjarlægðar af völlum og í stað þeirra búið að setja flokkunartunnur upp við klúbbhús og hefur nú fleiri flokkunartunnum verið komið fyrir á völlum félagsins.

Skoðað var af stjórn félagsins með hvaða hætti GR gæti staðið betur að flokkun og endurvinnslu þess sem fellur til á völlum félagsins. Með það að markmiði voru gömlu ruslatunnurnar fjarlægðar en í þeirra stað  komið upp flokkunartunnum á völdum stöðum á vellinum. Með þessu móti má koma öllu rusli í sinn flokk og huga betur að umhverfinu.

Við óskum eftir liðsinni félagsmanna með þetta verkefni og biðjum þá kylfinga sem leika á völlum félagsins að taka með sér það sem tilheyrir þeim og losa svo í þar til gerðar flokkunartunnur. Við hvetjum kylfinga einnig til þess að hugsa um hvað þeir taki með sér út á völl til þess að lágmarka það rusl sem fellur til og hefur veitingafólkið okkar t.d. breytt umbúðum á samlokum til koma til móts við okkur.

Einfalt er fyrir kylfinga að hengja lítinn ruslapoka á kerruna sem hægt er að tæma þegar komið er að flokkunartunnum. Ekki þarf að taka það fram, en reynist þó þörf á, að rusli hendum við ekki út á völl né skiljum eftir okkur á teigum. Það er einfalt að stinga umbúðum eða gosflöskum í pokann og henda svo þegar næsta flokkunarstöð verður á vegi okkar.

Það er sameiginleg ábyrgð okkar allra að halda völlunum snyrtilegum og á sama tíma að flokka og skila rusli á réttan stað.

Golfklúbbur Reykjavíkur

 

Til baka í yfirlit