Hjalti Kristján fagnaði sigri á Titleist Unglingaeinvígi hjá Golfklúbbi Mosfellsbæjar

Hjalti Kristján fagnaði sigri á Titleist Unglingaeinvígi hjá Golfklúbbi Mosfellsbæjar

Titleist Unglingaeinvígið var leikið á Hlíðavelli hjá Golfklúbbi Mosfellsbæjar síðastliðinn föstudag, 17. september. Titleist Unglingaeinvígið er boðsmót þar sem leikmenn vinna sér inn þátttökurétt með góðum árangri á Unglingamótaröð GSÍ auk þess sem klúbbmeisturum GM er boðin þátttaka. Hjalti Kristján Hjaltason úr Golfklúbbi Reykjavíkur stóð uppi sem sigurvegari í mótinu.

Leikin var forkeppni í hverjum aldursflokki með „shootout“ fyrirkomulagi þar sem sá kylfingur með hæsta skorið féll úr keppni. Forkeppnin var spennandi og voru það þrír keppendur sem komust áfram úr hverjum flokki í lokaeinvígið.

Eftirfarandi kylfingar hófu keppni í úrslitum:

  • Björn Viktor Viktorsson
  • Aron Ingi Hákonarson
  • Böðvar Bragi Pálsson
  • Bjarni Þór Lúðvíksson
  • Skúli Gunnar Ágústsson
  • Hjalti Kristján Hjaltason
  • Markús Marelsson
  • Arnar Daði Svavarsson
  • Perla Sól Sigurbrandsdóttir
  • Sara Kristinsdóttir

Keppni var afar jöfn og spennandi og urðu úrslitin þess:

  1. sæti – Hjalti Kristján Hjaltason
  2. sæti – Aron Ingi Hákonarson
  3. sæti – Markús Marelsson
  4. sæti – Sara Kristinsdóttir
  5. sæti – Arnar Daði Svavarsson
  6. sæti – Skúli Gunnar Ágústsson
  7. sæti – Bjarni Þór Lúðvíksson
  8. sæti – Perla Sól Sigurbrandsdóttir
  9. sæti – Björn Viktor Viktorsson
  10. sæti – Böðvar Bragi Pálsson

Við óskum Hjalta Kristjáni innilega til hamingju með sigurinn!

Golfklúbbur Reykjavíkur

Til baka í yfirlit