Hópaskráningar 2021 – umsóknir berist fyrir 7. maí

Hópaskráningar 2021 – umsóknir berist fyrir 7. maí

Undirbúningur fyrir golfsumarið 2021 er í fullum gangi og eru hópaskráningar liður í þeim undirbúningi. Reglur um hópaskráningar verða með örlítið breyttu sniði en hefur verið og hvetjum við félagsmenn og forsvarsmenn hópa til að kynna sér þær hér fyrir neðan.

Umsóknir vegna hópaskráninga 2021 þurfa að berast fyrir föstudaginn 7. maí á netfangið dora@grgolf.is - eftir þann tíma verður ekki tekið við umsóknum fyrir komandi tímabil. 

Hér má finna þær reglur sem gilda fyrir hópaskráningar 2021:

  • Stærð hópa, ekki færri en 8 og ekki fleiri en 20 manns í hverjum hóp
  • Einungis verði félagsbundnir GR-ingar gjaldgengir í hópa
  • Bókað verður einungis fjóra daga vikunnar; mánudag, þriðjudag, miðvikudag, fimmtudag
  • Hver hópur fær bókaðan tíma fjórum sinnum í mánuði þ.e.a.s. aðra hverja viku á heimavöllum – Grafarholti og Korpu og aðra hverja viku á vinavöllum klúbbsins
  • Gengið er út frá því að hópar bóki sig ekki á Grafarholtsvöll og Korpúlfsstaðavöll utan forbókunar
  • Bókun á sér stað frá kl. 08:00 til 14:00, þ.e.a.s. síðasti rástími verður um kl. 14:00
  • Hópaskráningarnar taka gildi mánudaginn 31. maí
  • Breytingar eru samkvæmt skráningarreglum GR um afbókanir

Við röðun verður reynt að verða við óskum hópa um tímasetningar, innan þess tímaramma sem greint er frá hér að ofan. Verði fimm hópar eða fleiri sem óska eftir sama rástíma verður reynt að koma til móts eftir fremsta megni.

Verið er að leggja lokahönd á vinavallasamninga og þá velli sem forskráðir verða í sumar. Tilkynnt verður um hvaða vinavelli hópar verða  forskráðir á um leið og það er ljóst.

Ábyrgðarmaður er tilnefndur fyrir hvern hóp og tryggir hann að reglur séu haldnar t.d. að rástímar verði fullnýttir, sjá reglubók GR. Einnig óskum við sérstaklega efir því að ábyrgðarmaður tilkynni hverjum velli fyrir sig tímanlega ef forskráningatímar verða ekki nýttir.

Í umsóknum um hópaskráningar skulu eftirfarandi upplýsingar koma fram:
Ábyrgðamaður: Fullt nafn og netfang
Farsímanúmer hjá ábyrgðamanni
Nöfn og meðlimanúmer hjá öllum í hópnum
Ósk um hvaða vikudag hópurinn vill spila
Ósk um hvaða tíma dags er óskað eftir rástíma

Kveðja,
Golfklúbbur Reykjavíkur

Til baka í yfirlit