Fyrsta umferð í Innanfélagsmóti 70 ára og eldri verður leikin þriðjudaginn 29. júní, opnað verður fyrir skráningu á Golfbox í dag. Þetta er fyrsta umferð af fjórum og verða allar umferðir leiknar á Ánni, 9 holum. Keppt er í Stableford punktakeppni og leika allir keppendur af rauðum teigum.

Punktahæsti kylfingurinn í karla- og kvennaflokki verður útnefndur sigurvegari fyrir mótaröðina. Auk þess verða verðlaun fyrir þrjú efstu sætin í punktakeppni karla og kvenna fyrir hvert mót ásamt verðlaunum fyrir besta skor í karla- og kvennaflokki. Nándarverðlaun verða veitt þeim sem er næst/ur holu á 13. og 17. Braut. Athugið að sami keppandi getur ekki unnið til verðlauna fyrir höggleik og punktakeppni.

Skráning fer fram á Golfbox og í golfbúðinni á Korpu. Kylfingar greiða mótsgjald, kr. 1.000 hjá mótsstjóra þegar mætt er til leiks.

Verðlaunaafhending fyrir hvern leikdag fer fram í lok dags og verða vinningshafar að vera viðstaddir afhendingu verðlauna.

Mótsstjóri er Karl Jóhannsson.

Hvetjum alla 70 ára og eldri kylfinga klúbbsins til að skrá sig til leiks!

Golfklúbbur Reykjavíkur