Inniæfingaaðstaða Korpu – hámarksfjöldi 50 manns

Inniæfingaaðstaða Korpu – hámarksfjöldi 50 manns

Í dag, miðvikudag 24. febrúar tóku nýjar og rýmri sóttvarnarreglur gildi og verður leyfilegur hámarksfjöldi í inniæfingaaðstöðu Korpu nú 50 manns. Áfram skal virða virða tveggja metra reglu á milli fólks, sé ekki hægt að tryggja hana skal nota grímur á meðan leikið er á æfingasvæðinu.

Stangir hafa sömuleiðis verið settar upp á púttsvæðinu en skulu félagsmenn áfram notast við eigin búnað – pútter, kylfur og golfbolta, þegar mætt er til æfinga. Mikilvægt er að þvo hendur með sápu og spritta bæði fyrir og eftir æfingu og er hægt að notast við þá sprittstanda og brúsa sem hefur verið komið fyrir á svæðinu.

Opnunartíma inniæfingaaðstöðunnar má sjá hér

Við höfum öll staðið þétt saman til þess að ná árangri í baráttu við Covid-19 og er orðið útlit fyrir bjartari tíma en þegar stutt er í mark þá er gjarnan tilhneiging til að sofna á verðinum. Því biðjum við þá félagsmenn sem heimsækja æfingavæðið að virða settar reglur og gæta almenns hreinlætis.

Mætum áfram með grímur – þvoum, sprittum og púttum!

Golfklúbbur Reykjavíkur

Til baka í yfirlit