Korpúlfsstaðavöllur opnar formlega laugardaginn 8. maí – skráning í Opnunarmót hefst á fimmtudag

Korpúlfsstaðavöllur opnar formlega laugardaginn 8. maí – skráning í Opnunarmót hefst á fimmtudag

Korpúlfsstaðavöllur mun opna formlega um næstu helgi með Opnunarmóti Korpu sem haldið verður laugardaginn 8. maí. Lykkjur sem leiknar verða eru Sjórinn/Áin og er leikfyrirkomulag mótsins punktakeppni. Hæst er gefin forgjöf 24 hjá körlum og 28 hjá konum. Leikið er í tveimur flokkum 0-14 og 14,1 og hærra. Þeir félagsmenn sem ekki ætla að skrá sig til leiks í mótið geta bókað rástíma í 9 holur á Landinu. 

Umferð golfbíla verður ekki leyfð á vellinum fyrst um sinn en verður það tilkynnt þegar þar að kemur. 

Skráning í mótið hefst á fimmtudag, 6. maí kl. 12:00 og fer fram í gegnum mótaskrá í Golfbox - mótsgjald er kr. 3.600 og greiðist við skráningu. Ræst verður út frá kl. 09:00.

Á fimmtudag kl. 12:00 mun einnig opna fyrir almenna rástímaskráningu á völlinn.

Veitt verða verðlaun fyrir 3 efstu sætin í hverjum flokki. Nándarverðlaun verða veitt á öllum par 3 holum vallarins og að auki verða veitt verðlaun fyrir besta skor. 

Við vekjum athygli á því að golfverslanir hafa ekki opnað fyrir komandi tímabil og er því eingöngu hægt að skrá sig í gegnum vefinn. 


Skráning

Golfbox býður nú upp á að þið getið sjálf skráð ykkur í rástíma í mótaskrá ásamt þeim sem við viljið hafa með ykkur í holli.

ATHUGIÐ! Til þess að skrá meðspilara VERÐIÐ þið að hafa aðildanúmer viðkomandi og setja það inn með eftirfarandi hætti: 7-XXXX.

Rástímar læsast í 180 sekúndur á meðan verið er að reyna að skrá sig, sem þýðir að ef þið sjáið læsta rástíma verðið þið að sýna þolinmæði og hinkra þar til hann aflæsist.

Kylfingar verða að skrá sig í gegnum Golfbox og greiða fyrir mótið við skráningu. Þetta þýðir að ef þú ert að skrá þig og meðspilara þá greiðir einn fyrir alla við skráningu og þið gerið upp ykkar á milli.


Verðlaun í Opnunarmóti Korpu:
Forgjöf 0 – 14
1. sæti: GR merkt Footjoy peysa og bolur
2.sæti:  GR merkt Footjoy peysa
3.sæti:  GR merktur Footjoy bolur

Forgjöf 14,1 - og hærra
1.sæti: GR merkt Footjoy peysa og bolur
2.sæti: GR merkt Footjoy peysa
3.sæti: GR merktur Footjoy bolur

Besta skor:
1. sæti: GR merkt Footjoy peysa og bolur

Nándarverðlaun á öllum par 3 holum vallarins: Gullkort á æfingasvæði Bása.

Reglubók Golfklúbbs Reykjavíkur - Skráning og mætingar í mót.
9.1 Mótshaldara er heimilt að krefjast greiðslu þátttökugjalda við skráningu. Keppandi á ekki rétt á endurgreiðslu þátttökugjalds boði hann forföll til mótsstjórnar/nefndarinnar, síðar en kl. 18.00 daginn fyrir fyrsta keppnisdag.  Mótsstjóri er Harpa Ægisdóttir, harpa@grgolf.is

Til baka í yfirlit