Meistaramót: Lokahóf & verðlaunaafhending á laugardag

Meistaramót: Lokahóf & verðlaunaafhending á laugardag

Lokahóf & verðlaunaafhending Meistaramóts GR 2021 verður haldið á 2. hæð Korpunnar laugardagskvöldið 10. júlí. Allir þátttakendur í mótinu fá afhentan aðgöngumiða í lokahóf á síðasta keppnisdegi sem framvísa þarf hjá starfsfólki í veitingasölu þegar mætt er á laugardag.

Salurinn opnar kl. 18:00 og verður boðið upp á veitingar að hætti KH klúbbhús, taka skal tillit til þess að salurinn verður tvísetinn og því ekki úr vegi að mæta snemma og fylgjast með keppendum ljúka leik, live-skor verður birt á skjá á báðum hæðum hússins. Á meðan beðið er eftir að meistaraflokkar ljúki leik ætlar Jóhann Alfreð að halda uppi fjörinu fyrir matargesti en hann mun einmitt vera í Grafarholtinu á fimmtudagskvöld ásamt Kristjönu Arnars þar sem þau stýra Stóra golfkvissinu – sjá nánar hér

Verðlaunaafhending á laugardag er áætluð upp úr kl. 20:30. Þegar klúbbmeistarar GR 2021 hafa verið krýndir mun dj taka við og halda stemmningunni gangandi fram eftir kvöldi. 

Fyrir þá sem ekki taka þátt í mótinu en vilja mæta í Lokahóf –  borða og gleðjast með okkur á laugardag þá er hægt að kaupa miða hjá KH klúbbhús frá og með deginum í dag og er verðið kr. 4.950. 

Nokkur atriði:

  • 20 ára aldurstakmark er á svæðið
  • Ekki þarf að skrá sig sérstaklega í Lokahóf
  • Mikilvægt er að muna eftir aðgangsmiða


Hlökkum til að gleðjast með ykkur á laugardag!
Golfklúbbur Reykjavíkur

Til baka í yfirlit