Meistaramótið í Betri bolta verður leikið á Korpúlfsstaðavelli laugardaginn 7. ágúst. Mótið á Korpúlfsstaðavelli er síðasta umferðin fyrir lokamótið sem verður í Kiðjabergi sunnudaginn 29. ágúst. Þátttaka í íslenska lokamótinu er þeim sem vinna sér inn sæti þar að kostnaðarlausu. Í lokamótinu er keppt um sæti á heimsmeistaramótinu í Betri bolta sem fram fer á Algarve í Portúgal. Fulltrúar Íslands í Portúgal fara þangað sér að kostnaðarlausu.
Lykkjur mótsins á Korpúlfsstaðavelli verða Sjórinn/Áin og er ræst út frá kl. 08:00. Hámarksforgjöf er gefin 32 fyrir karla og 36 fyrir konur. Keppendur frá ¾ af sinni forgjöf í mótinu þar sem um betri bolta er að ræða.
Opnað hefur verið fyrir skráningu í mótið og er þátttökugjald kr. 5.700 sem greiðist við skráningu.
Leiðbeiningar um skráningu:
Skráning í mótið fer fram í rástímaskráningu í Golfbox og er eingöngu hægt að bóka tvo leikmenn (eitt lið) í hvert holl. Valinn er völlurinn „Meistaramótið í Betri bolta“ hjá Golfklúbbi Reykjavíkur á dagsetningu mótsins 07.08.2021. ATH! Rástímarnir birtast á 5 mínútna fresti en þeir sem eru skráðir kl. 08:00 og 08:05 fara saman út kl. 08:00 – 08:10 og 08:15 fara saman út kl. 08:10 o.s.frv. Daginn fyrir mót verður réttur rástímalisti sendur á keppendur.
ATH! Þátttakendur í Meistaramótinu í Betri bolta verða að hafa náð 18 ára aldri.
Veitt verða glæsileg verðlaun fyrir 3 efstu sætin auk þess sem 5 efstu vinna sér inn þátttökurrétt á lokamótinu í Kiðjabergi:
- Þátttaka á lokamótinu í Kiðjabergi
Gasgrill x2
Gjafakort frá Selected að upphæð 20.000 kr. x2
Kassi af Stella Artois x2
Muga Reserva rauðvínsflaska* x2
Platinum kort í Básum* x2 - Þátttaka á lokamótinu í Kiðjabergi
Gjafakort á Apótek Restaurant að upphæð 10.000 x2
Kassi af Stella Artois* x2
Gullkort í Básum x2 - Þátttaka á lokamótinu í Kiðjabergi
Gjafakarfa frá Innnes x2
Kassi af Stella Artois* x2
Silfurkort í Básum x2 - Þátttaka á lokamótinu í Kiðjabergi
- Þátttaka á lokamótinu í Kiðjabergi
Nándarverðlaun á öllum par 3 holum:
Gjafabréf fyrir 4 á velli GR sem gildir út sumarið 2022
Lengsta drive karla og kvenna á 15. braut:
Gjafabréf fyrir 2 á velli GR sem gildir út sumarið 2022
Gjafabréf hjá Korpa klúbbhús að verðmæti kr. 10.000
Sigurvegarar íslenska lokamótsins, og þar með fulltrúar Íslands í heimsmeistaramótinu öðlast rétt til að taka þátt í International Pairs sem er einn stærsti viðburður sinnar tegundar í heiminum og óopinber heimsmeistarakeppni áhugamanna í betri bolta. International Pairs verður haldið í Portúgal í október 2021 og er ferðin vinningshafanum að kostnaðarlausu.
*Ef vinningshafi hefur ekki náð 20 ára aldri er ekki hægt að afhenda áfenga vinninga.
Reglubók Golfklúbbs Reykjavíkur - Skráning og mætingar í mót.
9.1 Mótshaldara er heimilt að krefjast greiðslu þátttökugjalda við skráningu. Keppandi á ekki rétt á endurgreiðslu þátttökugjalds boði hann forföll til mótsstjórnar/nefndarinnar, síðar en kl. 18.00 daginn fyrir fyrsta keppnisdag. Mótsstjóri er Dóra Eyland og er með netfangið dora@grgolf.is
ATH! Vinninga er hægt að nálgast á skrifstofu klúbbsins til 30. september 2021