Mercedes-Benz bikarinn – holukeppni GR 2020, skráning hafin

Mercedes-Benz bikarinn – holukeppni GR 2020, skráning hafin

Mercedes-Benz bikarinn – holukeppni GR verður á dagskrá í sumar eins og undanfarin ár. Styrktaraðili keppninnar er bílaumboðið Askja.

Við ætlum að nýta okkur hið nýja mótakerfi Golfbox til þess að halda utan um keppnina í ár. Félagsmenn skrá sig til leiks með því að fara í mótaskrána á golf.is eða innskrá sig beint í Golfbox. Athugið að skráning er í gegnum mótaskrána en ekki rástímakerfið. Keppni hefst 1. júní og byrjar ný umferð að jafnaði tveimur vikum síðar. Dregið verður um það í kerfinu hverjir mætast í fyrstu umferð. Mótinu lýkur með úrslitaleik fimmtudaginn 27. ágúst. Skráning í keppnina hófst á hádegi í dag, mánudaginn 25.maí. Þátttökugjald er kr. 1.100 krónur og greiðist við skráningu.

Hægt er að smella hér til að skrá sig til leiks

Þetta er skemmtileg keppni sem er opin fyrir alla félagsmenn GR, konur og karla, 19 ára og eldri og hvetjum við kylfinga á öllum getustigum til að taka þátt. Leikið er með fullri forgjöf upp að 28 sem er hæsta leikforgjöf sem veitt er í þessu móti. 

Eftir að skráningarfrestur rennur út raðar golfbox kerfið keppendum í fyrstu umferð keppninnar og kylfingar geta farið að mæla sér mót og finna sér leikdag.

Keppendur velja sér teiga við hæfi og fá forgjöf samkvæmt þeim teigum sem leikið er af.

Gefnar verða að jafnaði tvær vikur til þess að finna sér leiktíma og leikdag í samráði við keppinaut sinn. Keppnin mun standa yfir í allt sumar en úrslitaleikurinn verður leikinn 27. ágúst og verður spennandi að sjá hvaða kylfingar það verða sem mætast í lokaviðureigninni. 

Nánari upplýsingar um holukeppnina er að finna hér á vefsíðu klúbbsins undir Félagsstarf – Holukeppni. Þar er meðal annars að finna keppnisskilmála, í þeim koma fram dagsetningar fyrir hverja umferð, útskýringar á leikforgjöf og fleira.

Mótstjóri holukeppni er Atli Þór Þorvaldsson og er hægt að hafa samband við Atla í gegnum netfangið atli@grgolf.is eða í síma 894-2811.

Golfklúbbur Reykjavíkur

Til baka í yfirlit