Opna Klaki mótið verður haldið á Korpúlfsstaðavelli laugardaginn 15. september næstkomandi. Lykkjur mótsins verða Sjórinn og Áin. Ræst verður út frá kl. 09:00. Leikfyrirkomulag mótsins er höggleikur og punktakeppni. Hámarksforgjöf er gefin 24 hjá körlum og 28 hjá konum.
Veitt verða glæsileg verðlaun fyrir 5 efstu sætin í punktakeppni og ein verðlaun fyrir besta skor. Nándarverðlaun eru veitt þeim sem er næstur holu í upphafshöggi á öllum par 3 holum vallarins.
Skráning hefst þriðjudaginn 11. september kl.10:00 á www.golf.is Mótsgjald er kr. 5.000 kr. og þarf að greiða við skráningu. Innifalið í mótsgjaldi er teiggjöf frá Rolf Johansen & Company áður en leikur hefst.
Glæsileg verðlaun:
Punktakeppni:
- sæti. Gjafabréf frá Vita Ferðum að upphæð 100.000 kr
- sæti. Sun Mountain Speedcart V1 þriggja hjóla kerra frá Örninngolf
- sæti. FJ golfpeysa, FJ golfbolur og FJ golfbuxur frá ÍSAM
- sæti. Golfskór frá ECCO
- sæti. Golfpokar frá ECCO
Besta skor: Gjafabréf frá Vita Ferðum að upphæð 100.000 kr
Nándarverðlaun:
3.braut – Gullkort í Bása og golfhringur fyrir tvo á völlum GR
6.braut - Gullkort í Bása og golfhringur fyrir tvo á völlum GR
9.braut - Gullkort í Bása og golfhringur fyrir tvo á völlum GR
13.braut - Gullkort í Bása og golfhringur fyrir tvo á völlum GR
17.braut - Gullkort í Bása og golfhringur fyrir tvo á völlum GR
Reglubók Golfklúbbs Reykjavíkur - Skráning og mætingar í mót.
9.1 Mótshaldara er heimilt að krefjast greiðslu þátttökugjalda við skráningu. Keppandi á ekki rétt á endurgreiðslu þátttökugjalds boði hann forföll til mótsstjórnar/nefndarinnar, síðar en kl. 18.00 daginn fyrir fyrsta keppnisdag. Mótsstjóri er Harpa Ægisdóttir og er með netfangið harpa@grgolf.is
Golfklúbbur Reykjavíkur í samvinnu við Rolf Johansen & Company.