Opna Örninn Golfverslun leikið á Korpu 27. júní - skráning hefst kl. 13:00 í dag

Opna Örninn Golfverslun leikið á Korpu 27. júní - skráning hefst kl. 13:00 í dag

Opna Örninn Golfverslun 2020 verður leikið á Korpúlfsstaðarvelli laugardaginn 27. júní.  Lykkjur mótsins verða Sjórinn og Áin.  Ræst verður út frá kl. 08:00. Leikfyrirkomulag mótsins er höggleikur og punktakeppni. Hámarksforgjöf er gefin 24 hjá körlum og 28 hjá konum.

Skráning hefst í dag, föstudaginn 19. júní  kl. 13:00. Mótsgjald er kr. 5.500 og greiðist við skráningu. Innifalið í mótsgjaldi er teiggjöf frá Örninn Golfverslun sem er afhent áður en leikur hefst.

Veitt verða glæsileg verðlaun fyrir 3 efstu sætin í punktakeppni í karla- og kvennaflokki. Einnig verða veitt verðlaun fyrir höggleik án forgjafar af bláum og hvítum teigum.

Karlaflokkur - punktakeppni (gulir teigar)
1. sæti. Taylor Made SIM MAX driver
2. sæti. Taylor Made SIM MAX brautartré
3. sæti. Galvin Green Windstopper

Kvennaflokkur - punktakeppni (rauðir teigar)
1. sæti. Taylor Made SIM MAX driver
2. sæti. Taylor Made SIM MAX brautartré
3. sæti. Galvin Green Windstopper

Höggleikur án forgjafar (hvítir og bláir teigar):
1.sæti.  Taylor Made SIM MAX driver
2.sæti.  Taylor Made SIM MAX brautartré
3.sæti.  Galvin Green Windstopper

Skráning í Opna Örninn Golfverslun fer fram með þessum hætti:

Á golf.is þarf að velja Innskráning og þannig skrá kylfingar sig inn á Golfbox

Í Golfbox er farið í „Rástímabókun“ og valinn völlur sem heitir „Opna Örninn Golfverslun 2020“, veljið dagsetningu móts 27.6.2020 og skráið ykkur í rástíma í mótinu.

Mótsgjald er greitt við skráningu og því gott að hafa greiðslukortaupplýsingar við hendina. Einnig flýtir það fyrir skráningu ef kennitala eða félagsnúmer meðspilara sem skráðir eru samhliða eru til staðar. Nóg er að hafa númerið sem kemur á eftir  seinna bandstrikinu (IS-7- XXXX).

Við vekjum athygli á því að skráning fer eingöngu fram í gegnum vefinn.


Reglubók Golfklúbbs Reykjavíkur - Skráning og mætingar í mót.
9.1 Mótshaldara er heimilt að krefjast greiðslu þátttökugjalda við skráningu. Keppandi á ekki rétt á endurgreiðslu þátttökugjalds boði hann forföll til mótsstjórnar/nefndarinnar, síðar en kl. 18.00 daginn fyrir fyrsta keppnisdag.  Mótsstjóri er Dóra Eyland og er með netfangið dora@grgolf.is

Golfklúbbur Reykjavíkur í samvinnu við Opna Örninn Golfverslun

Til baka í yfirlit