Perla Sól sigraði á Orlando International Amateur í Florida

Perla Sól sigraði á Orlando International Amateur í Florida

Perla Sól Sigurbrandsdóttir úr Golfklúbbi Reykjavík gerði sér lítið fyrir og sigraði á Orlando International Amateur mótinu sem lauk í gær á Orange County National golfsvæðinu. Perla Sól lék Crooked Cat völlinn á 2 höggum undir pari á lokahringnum sem var langbesta skor dagsins. Með frábærum lokahring fór hún upp í fyrsta sætið úr því fjórða. Perla lék hringina þrjá samtals á pari og lauk leik þremur höggum á undan keppinaut sínum frá Kína, Nancy Dai.

Þrír aðrir íslenskir kylfingar tóku þátt á mótinu, þau Helga Signý Pálsdóttir úr GR, Bjarni Þór Lúðvíksson úr GR og Dagur Fannar Ólafsson úr GKG. Helga Signý endaði í 13. sæti á 23 höggum yfir pari.

Bjarni Þór lék lokahringinn á 79 höggum og endaði í 21. sæti á átta höggum yfir pari. Dagur Fannar lauk keppni í 13. sæti á þremur höggum yfir pari. Hann lék lokahringinn á pari Crooked Cat vallarins.

Við óskum Perlu Sól innilega til hamingju með sigurinn í Florida.

Golfklúbbur Reykjavíkur

 

Til baka í yfirlit