Reykjavík Junior Open 2020: Unglingamótaröðin (3) – Haldið á Grafarholtsvelli dagana 17. - 19.júlí

Reykjavík Junior Open 2020: Unglingamótaröðin (3) – Haldið á Grafarholtsvelli dagana 17. - 19.júlí

Reykjavík Junior Open 2020 verður haldið á Grafarholtsvelli dagana 17. til 19. júlí. Mótahaldið er hluti af Unglingamótaröð GSÍ. Leikfyrirkomulag mótsins er höggleikur. Keppt verður í átta flokkum og verða glæsileg verðlaun veitt fyrir 1. – 3. sæti í hverjum flokki. Veitt verða verðlaun fyrir lengsta teighögg á 3. braut alla keppnisdagana.

Skráning í mótið hefst miðvikudaginn 8. júlí kl. 13:00. Mótsgjald er kr. 4.000 fyrir 16 ára og yngri og 5.000 kr. fyrir 17 ára og eldri og greiðist mótsgjald við skráningu á golf.is. Skráningu lýkur á miðnætti miðvikudaginn  15. júlí og verða rástímar fyrir fyrsta keppnisdag birtir kl. 12:00 fimmtudaginn 16. júlí.

Innifalið í mótsgjaldi er:

  • 50 upphitunarboltar í Básum fyrir keppnishring alla keppnisdagana
  • 50 æfingaboltar í Básum eftir keppnishring alla keppnisdagana
  • Æfingahringir fyrir keppendur eru miðvikudaginn 15. júlí og fimmtudaginn 16. júlí  frá kl.09:03 til 11:00 og frá kl.15:03 til 15:57. Kylfingar þurfa að hafa samband símleiðis í síma 585-0200 til að bóka rástíma.
  • Glæsileg teiggjöf til minningar um þátttöku í Reykjavík Junior Open
  • Vörur frá MS í teiggjöf alla keppnisdagana
  • Máltíð í golfskálanum að leik loknum á síðasta keppnisdegi mótsins
  • Laugardaginn 18.júlí mun ÍSAM vera með demódag fyrir keppendur í Básum frá kl.10-14.
  • Sunnudaginn 19.júlí mun Örninn golf vera með demódag fyrir keppendur í Básum frá kl.10-14
  • Ætlunin er að kynna fyrir þátttakendum mikilvægi þess að fara reglulega í kylfumælingar (fittings) með því að tryggja að sérfræðingur á þessu sviði verði á staðnum keppendum til aðstoðar. Nánar tilkynnt síðar.
  • Boðið verður upp á kaffi frá Kaffitár
  • Lokahóf verður nánar auglýst síðar

 

Mótið er flokkaskipt eftir aldri og kyni, keppt verður í eftirfarandi keppnisflokkum:

14 ára og yngri stelpur – Rauðir teigar – 36 holur  –  Höggleikur - Hámark 21 keppendur
14 ára og yngri strákar – Bláir teigar – 36 holur – Höggleikur - Hámark 21 keppendur

15 – 16 ára stelpur – Bláir teigar – 36 holur –  Höggleikur - Hámark 21 keppendur
15 – 16 ára strákar – Gulir teigar – 36 holur – Höggleikur - Hámark 21 keppendur

17 – 18 ára stúlkur – Bláir teigar – 54 holur –  Höggleikur - Hámark 21 keppendur
17 – 18 ára piltar – Hvítir teigar – 54 holur – Höggleikur - Hámark 21 keppendur

19-21 árs stúlkur – Bláir teigar – 54 holur – Höggleikur – Hámark 9 keppendur
19-21 árs piltar – Hvítir teigar – 54 holur - Höggleikur - Hámark 9 keppendur

Verði ekki full skráning í flokk er hægt að fjölga í öðrum flokkum þannig að heildar fjöldi keppenda verði 144.

Hlökkum til að taka á móti ungu kylfingum landsins!

Golfklúbbur Reykjavíkur í samvinnu við MS, Kvika banki, Eykt, Sjóvá, Krónan, Kaffitár og Bonafide lögmenn

Til baka í yfirlit