Sjöundi vinavöllur GR 2021 er Strandarvöllur á Hellu

Sjöundi vinavöllur GR 2021 er Strandarvöllur á Hellu

Það verður úr nógu að velja um allt land í hópi vinavalla GR á komandi sumri en áframhaldandi vinavallasamningur hefur nú verið undirritaður við Golfklúbb Hellu og er Strandarvöllur sjöundi vinavöllurinn á komandi sumri.

Þetta er nítjánda árið í röð sem klúbbarnir gera með sér vinavallasamning og hafa félagsmenn GR verið duglegir að nýta sér það að spila á Strandarvelli. Hjá Golfklúbbi Hellu er að finna allt það sem kylfingur þarf á að halda bæði fyrir og eftir leik – æfingasvæði og púttflöt auk glæsilegs klúbbhúss sem býður upp á fyrsta flokks veitingar.

Samingurinn mun gilda frá 1. maí til 30. september, sömu reglur gilda um leik á Strandarvelli og á öðrum vinavöllum, félagsmenn GR greiða kr. 3.500 fyrir leik á vellinum sama hvort leiknar eru 9 eða 18 holur. Áður en leikur hefst skulu félagar staðfesta félagsaðild sína og ganga frá greiðslu vallargjalds. Samkomulagið gildir ekki ef félagsmenn leika með hópum sem gert hafa sérstaka samninga um afslætti, sbr. fyrirtækjamót.

Vefsíða Golfklúbbs Hellu

Upplýsingar um alla vinavelli félagsins er að finna á undirsíðunni Vinavellir

Golfklúbbur Reykjavíkur

Til baka í yfirlit