Starfsfólk óskast í golfverslanir sumarið 2021

Starfsfólk óskast í golfverslanir sumarið 2021

Golfklúbbur Reykjavíkur auglýsir eftir starfsfólki í golfverslanir fyrir sumarið 2021, golfverslanir klúbbsins eru opnar á tímabilinu maí – september. Um er að ræða störf í golfverslun Grafarholti annars vegar og Korpúlfsstöðum hins vegar. Opnunartími verslana er frá 07:30-21:00 og er unnið á þrískiptum vöktum yfir sumarið.

Starfið felur í sér almenna þjónustu við kylfinga – símsvörun, bókanir rástíma, sölu á golfvarningi, þrif á golfverslun og fleira tilfallandi.

Leitað er eftir einstaklingum sem eru ábyrgir, stundvísir og samviskusamir og búa yfir ríkri þjónustulund til að sinna félagsmönnum okkar og öðrum kylfingum. Kostur er ef umsækjendur hafa einhverja þekkingu á golfíþróttinni þó ekki sé gerð krafa um það.

Umsóknir skulu berast á netfangið dora@grgolf.is fyrir 25. mars næstkomandi.

Til baka í yfirlit