Það er komið að Úrval-Útsýn Sumarmótaröð GR kvenna árið 2019. Mótaröðin er í samstarfi við Úrval-Útsýn sem leggur til veglega vinninga þeim sem skara framúr í mótaröðinni í sumar.

Í ár eru spilaðir 7 hringir yfir sumarið og telja 4 bestu hringirnir til Úrval-Útsýn Sumarmeistara GR kvenna 2019. Þeim titli fylgja glæsileg verðlaun, golfferð til Hacienda del Alamo á Spáni í haust.

Spiladagarnir í sumar eru eftirfarandi:

• 29.maí - Korpa
• 12.júní - Grafarholt
• 26.júní - Korpa
• 17.júlí - Grafarholt
• 31.júlí - Korpa
• 14.ágúst - Grafarholt 
• 28.ágúst - Korpa

Konur geta valið sér og skráð sig í rástíma allan mótsdag allt frá því völlur opnar og fram á kvöld og þannig tekið þátt í mótaröðinni svo fremi sem spilað er með a.m.k. einni annarri konu í mótinu og þær kvitti undir hjá hvor annarri. Undirrituðu skorkorti með nafni og kennitölu leikmanns er skilað í kassa í klúbbhúsi og verður skorið skráð og birt á golf.is daginn eftir mót.

Sumarmótaröðin er punktakeppni og fyrstu verðlaun er golfferð með Úrval-Útsýn til Hacienda á Spáni í haust. Einnig verða veitt verðlaun fyrir flesta punkta í júní, júlí og ágúst. Auk þess verða nándarverðlaun á völdum brautum.

Mótsgjald fyrir alla sjö hringina er 3000 kr og greiðist inn á reikn. 537-14-848, kt. 160672-4049.

Fyrsta mót sumarsins er miðvikudaginn 29. maí á Korpunni og lykkjan er Landið/Áin. Mæling er á tveimur flötum, á 13. braut og 22.braut.

Skráning er á golf.is og er skráð í rástíma eins og um hefðbundna golfhringi sé að ræða.

Skráning fyrir þær sem vilja spila fyrir klukkan 15:00 hefst sunnudaginn 26. maí en mánudaginn 27.maí fyrir þær sem kjósa að spila eftir kl. 15:00.

Hlökkum til að sjá ykkur, vonandi sem flestar á golfvellinum í sumar.

Kvennanefnd GR