Golfkennsla

Fjölmörg golfnámskeið eru í boði fyrir byrjendur jafnt sem lengra komna. Námskeiðin auka hæfni kylfinga á öllum stigum. Meginmarkmiðið er að bjóða nemendum tækifæri til að læra golfíþróttina frá grunni á skipulagðan hátt. 

Aðstaðan í Básum gefur golfkennurum fjölmarga möguleika þegar kemur að námskeiðum fyrir kylfinga og notast þeir óspart við þá aðstöðu sem æfingasvæðið hefur upp á að bjóða. Allir golfkennarar sem koma að kennslu hjá klúbbnum eru PGA menntaðir. Hægt er að vinna með ólíka þætti sveiflunnar, leikáætlun, pútt og hvað annað sem kylfingar og kennarar telja nauðsynlegt til að bæta sig í golfinu almennt. 

Hér fyrir neðan er að finna upplýsingar um kennara hjá Golfklúbbi Reykjavíkur.

Hægt er að senda tölvupóst á þann kennara sem þér líst vel á til að bóka tíma, netföngin að finna í texta hjá hverjum kennara. 

Arnar Snær Hákonarson

Arnar Snær Hákonarson útskrifaðist frá PGA golfkennaraskólanum árið 2015 og hefur starfað sem golfkennari á vegum GR frá því í mars sama ár. Hann byrjaði sjálfur ungur í golfi og hefur meðal annars orðið Íslandsmeistari tvisvar sinnum með GR í Íslandsmóti Golfklúbba, náð öðru sæti á EM klúbba í Portúgal með liði GR 2010, spilað fyrir Íslands hönd á EM landsliða í Portúgal 2011 ásamt að því vera í öðru sæti í Meistaramóti GR sama ár.

Arnar Snær er reglulega með námskeið fyrir kylfinga í Básum sem auglýst eru sérstaklega auk þess að bjóða upp á einkakennslu.

30 mín = 7.500 kr.
60 mín = 15.000 kr.

Til að bóka tíma hjá Arnari Snæ er hægt að hringja í síma 6592300 eða senda tölvupóst á netfangið arnarsn@grgolf.is


Ástráður Sigurðsson

Ástráður Sigurðsson býður nú uppá golfkennslu í Básum fyrir meðlimi GR og almenning. Hann hefur víðtæka reynslu af golfkennslu og hefur kennt byrjendum jafnt sem atvinnukylfingum.

Ástráður er mörgum GR-ingum kunnur, hann byrjaði að spila golf 10 ára gamall og er uppalinn í Golfklúbbi Reykjavíkur. Hann spilaði mikið fyrir klúbbinn í unglingaflokki, meðal annars með landsliði Íslands í Evrópumótinu árið 1990. Ástráður var einnig í sigursveit GR í fyrstu sveitakeppni drengja 1987.

Árin 1989-1993 kenndi Ástráður unglingum Golfklúbbs Reykjavíkur undir stjórn Sigurðar Péturssonar PGA golfkennara/Íslandsmeistara. Sigurður var menntaður frá golfkennaraskóla í Svíþjóð og ákvað Ástráður að feta í hans spor og útskrifaðist með PGA réttindi árið 1997. Ástráður er einnig með alþjóðleg réttindi sem kylfusmiður.

Ástráður kenndi við hina ýmsu klúbba hér á landi áður hann hélt utan til Svíþjóðar þar sem hann bjó í rúman áratug.  Þar kenndi hann golf við einn stærsta golfklúbbinn á vesturströndinni Kungsbacka GK þar sem stjörnur á borð við Fredrik Jakobson, Johan Edfors og Sofie Gustavsson voru meðlimir.

Til að bóka tíma í kennslu hjá Ástráði er hægt að hringja í síma 8443750 eða senda tölvupóst á netfangið astradur.sigurdsson@gmail.com


Hallsteinn Traustason

Hallsteinn Traustason er menntaður PGA golfþjálfari og hefur verði að þjálfa golf frá 2018. Hallsteinn hefur verið duglegur að sækja endurmenntunarnámskeið undanfarið ár ásamt því að þjálfa við golfskóla erlendis.

Hallsteinn bíður upp á þjálfun para,einstaklinga og stuttaspilsþjálfun hvort sem þú sért byrjandi eða lengra komin.

Til að bóka tíma eða nánari upplýsingar má finna á www.golfthjalfun.is eða senda tölvupóst á golfthjalfun@golfthjalfun.is


Jón Karlsson

Jón Karlsson er menntaður íþróttakennari og lauk PGA golfkennaranámi frá Svíþjóð. Nonni, eins og hann er kallaður,  hefur mikla reynslu sem golfkennari og hefur kennt golf í 28 ár, bæði hér á landi og erlendis – 6 ár í Noregi og 1 ár á Spáni. Hann var í landsliðinu og varð m.a. Norðulandameistari árið 1993 þegar mótið var haldið í Grafarholti auk þess varð hann Íslandmeistari í holukeppni árið 1992.

Nonni býður upp á einkakennslu og hópnámskeið í Básum.

Til að bóka tíma hjá Nonna er hægt að hringja í síma 8990769 eða senda tölvupóst á netfangið jon@draumagolf.is


JÓN ANDRI FINNSSON

Jón Andri Finnson er menntaður PGA golfkennari og útskrifaðist frá PGA golfkennaraskólanum árið 2021. Hann byrjaði sjálfur í golfi árið 1999 og hefur frá árinu 2010 starfað við golffararstjórn í Andaluciu á Spáni á vorin og haustin. Á síðustu árum hefur hann einnig verið með golfkennslu þar.

Jón Andri mun bjóða upp á einka- og parakennslu í Básum.

Hægt er að bóka tíma í kennslu hjá Jóni Andra í síma 6961973 eða með þvi að senda tölvupóst á jonandri@golfsaga.is


Margeir Vilhjálmsson

Margeir er menntaður golfvallafræðingur og útskrifaðist úr PGA golfkennaranámi 2021. Margeir var framkvæmdastjóri GR á árunum 1998-2006 og stýrði uppbyggingu Korpúlfsstaðavallar og æfingasvæðisins Bása.  Margeir hefur viðamikla þekkingu á golfi. Hann hefur kennt golf í Básum frá árinu 2018. Yfir vetrartímann býður Margeir uppá golfkennslu í GC Quad golfhermi í Kennsluherbergi 1 sem er upphituð aðstaða.

Til viðbótar við PGA réttindi er með TPI (Titleist Performance Institute) viðurkenningu og  réttindi til Super Speed golfsveifluhraða kennslu.

Margeir hefur leikið golf frá árinu 1985 og var tvisvar unglingameistari hjá Golfklúbbi Suðurnesja.

Margeir býður uppá kennslu í Básum fyrir pör og einstaklinga. Fjölbreytt námskeið ásamt verðskrá í golfkennslu hjá Margeiri má sjá á vefsíðunni golfnamskeid.is 

Til að bóka tíma hjá Margeiri smellið hér


SNORRI PÁLL ÓLAFSSON

Snorri Páll er PGA menntaður og hefur víðtæka reynslu af kennslu og þjálfun kylfinga á öllum aldurs og getustigum hvort sem um er að ræða byrjendur eða afrekskylfinga.

Snorri býður upp á einka/parakennsla ásamt stærri hópnámskeið sem auglýst eru sérstaklega.

Til að bóka tíma hjá Snorra Pál er hægt að senda tölvupóst á netfangið spolafssongolf@gmail.com

Snorri Páll á facebook

Námskeið á döfinni