Mercedes-
Benz
bikarinn

Holukeppni GR var haldin í fyrsta sinn sumarið 2017 og er ætluð karl- og kvenkylfingum klúbbsins, 19 ára og eldri – allir geta verið með. Holukeppni er hið upphaflega keppnisform í golfi.  Að skráningu lokinni er dregið um hvaða keppendur mætast í fyrstu umferð.

Keppendur koma sér saman um leikdag, leiktíma og völl. Gefnar eru tvær vikur til að ljúka leik í hverri umferð. Leikið er með útsláttarfyrirkomulagi, þannig að sigurvegari í hverjum leik heldur áfram keppni, en sá sem tapar hefur lokið keppni í mótinu.

Holukeppnin er leikin með forgjöf sem fer þannig fram að mismunur á leikforgjöf keppenda raðast á 18 holur samkvæmt erfiðleikastuðli forgjafar eins og fram kemur á skorkorti. Keppendur taka leikforgjöf samkvæmt forgjafartöflu.

Keppnin hefst um leið og vellir opna og lýkur með lokahófi strax eftir úrslitaleikinn sem fer fram fimmtudaginn 29. ágúst 2019.

Keppnis-
skilmálar

Keppnisskilmála í Holukeppni GR 2019 má finna hér:

Keppnisskilmálar fyrir holukeppni GR 2019.pdf

Staðan

Í meðfylgjandi tölfu má sjá þá keppendur sem mæstast í holukeppni GR 2019

Holukeppni GR 2019 staða 1406.pdf

Styrktaraðili

Bílaumboðið Askja er styrktaraðili holukeppni og hefur mótaröðin því hlotið nafnið Mercedes-Benz bikarinn - Holukeppni GR. Í lok sumars er öllum þátttakendum boðið til lokahófs þar sem verðlaunaafhending fer fram. Sá eða sú sem stendur uppi sem sigurvegari sumarsins hlýtur að verðlaunum afnot af Mercedes-Benz bifreið í heila viku ásamt árgjaldi í Golfklúbb Reykjavíkur fyrir næsta ár. 

Bílaumboðið Askja er þjónustufyrirtæki sem sérhæfir sig í sölu og þjónustu á bifreiðum frá Mercedes-Benz og Kia. Markmið fyrirtækisins er að vera í fararbroddi hvað varðar þjónustu til viðskipavina og markaðssetningu þeirrar vöru sem fyrirtækið selur og þjónustar.

Mótstjóri

Atli Þór Þorvaldsson er mótstjóri holukeppni og er með síma 894-2811.

Einnig er hægt að hafa samband í gegnum netfangið atli@grgolf.is