Klúbbhús

Golfklúbbur Reykjavíkur er með tvö fullbúin klúbbhús, í Grafarholti og á Korpúlfsstöðum. Á báðum stöðum geta félagsmenn og aðrir kylfingar fundið alla þá þjónustu og aðstöðu sem þarf fyrir og eftir leik – veitingasölu, búningsaðstöðu og golfverslun.

Grafarholti

Golfskálinn í Grafarholti var upphaflega byggður árið 1963 en endurinnréttaður árið 2001. Veitingasalurinn er hinn glæsilegasti og var tekinn í gegn vorið 2020, frábært útsýni er yfir Grafarholtsvöll og höfuðborgina. Veitingasala er rekin yfir golftímabilið og er klúbbhúsið þá opið frá morgni til kvölds og eru allir  velkomnir, kylfingar og aðrir gestir. Breytilegur matseðill er frá degi til dags og er vín selt á staðnum. Hægt er að panta borð fyrir stærri hópa og er gott að gera það með fyrirvara.

Aðstaða sem boðið er upp á í og við klúbbhús:

Bílastæði Æfingaaðstaða
Búningsklefar Sturta
Golfverslun Skápaleiga
Frítt Wi-fi Veitingasala

 

Salurinn í Grafarholti tekur allt að 120 manns í sæti og enn fleiri í móttökur og hentar vel fyrir margvísleg tilefni: brúðkaup, fermingar, skírnir, erfidrykkjur, afmæli, árshátíðir, jólahlaðborð, fundarhöld og fleiri viðburði.

Klúbbhús sem er alhliða veisluþjónusta, sér um rekstur klúbbhúsa hjá GR.

Hægt er að hafa samband í gegnum netfangið hallo@klubbhus.is

Korpúlfsstaðir

Korpúlfsstaðir er sögulegt hús og var upphaflega byggt árið 1930 af Thor Jensen. Hluta af húsinu var innréttað fyrir Golfklúbb Reykjarvíkur árið 1995 og hefur klúbbhúsið verið í stöðugum endurbótum alla tíð síðan. Í dag er í aðstöðunni að finna skrifstofu klúbbsins og æfingaðstöðu ásamt tveimur veitingasölum. Á fyrstu hæð er rekin veitingasala sem er með starfsemi á meðan á golftímabili stendur, þar er að finna fjölbreyttan matseðil í þægilegu umhverfi og eru allir velkomnir, kylfingar og aðrir gestir.

Aðstaða sem boðið er upp á í og við klúbbhús:

Bílastæði Æfingaaðstaða
Búningsklefar Sturta
Frítt Wif-fi Skápageymsla
Golfverslun Veitingasala
Golfbílageymsla

 

Salirnir sem um er að ræðir henta vel fyrir margvísleg tilefni s.s. veislur, móttökur, fermingar, skírnir, erfidrykkjur, afmæli, árshátíðir, jólahlaðborð, fundarhöld og fleira og rúma allt upp í 200 manns í sæti.

Klúbbhús sem er alhliða veisluþjónusta, sér um rekstur klúbbhúsa hjá GR.

Hægt er að hafa samband í gegnum netfangið hallo@klubbhus.is

 

Fundaraðstaða

Glæsilega fundaraðstöðu er að finna í báðum klúbbhúsum Golfklúbbs Reykjavíkur og býðst hópum og fyrirtækjum sem eru styrktaraðilar   afnot af þeirri aðstöðu.

Fundarherbergin taka 12-16 manns í sæti og þar er að finna sjónvarp, nettengingu og fleira sem þarf til fundarhalda. Samhliða þessu er að sjálfsögðu hægt að fá allar veitingar sem í boði eru hjá veitingasala í fundarherbergið.

Frekari upplýsingar um leigu á fundaraðstöðu veitir rekstraraðili veitingasölu í gegnum netfangið hallo@klubbhus.is