Thorsvöllur var opnaður árið 2000.

Hlutverk vallarins var upphaflega að anna þeirri gríðarlegu eftirspurn sem skapaðist eftir að orðið var fullt í klúbbinn. Thorsvöllur er 9 holur golfvöllur í styttri kantinum eða 1.663 metrar, par 33 og hentar því vel þeim sem eru að stíga sín fyrstu skref í íþróttinni eða þá sem vilja öðlast betri þekkingu á golfíþróttinni áður en þeir fara og spila stærri velli.

Golfklúbbur Reykjavíkur kynnir nýja og spennandi aðild – Thorsvallaraðild

• Thorsvallaraðild veitir félögum GR aðgang að Golfbox og við inngöngu fá félagar fullgilda forgjöf.
• Félagar í Thorsvallaraðild hafa einnig aðgang að vinavöllum GR samkvæmt verðskrá hvers vallar fyrir sig.
• Aðgangur að frábæru æfingasvæði Golfklúbbs Reykjavíkur við Bása, Grafarkotsvelli ásamt vipp og púttflötum við báða velli.
• Dásamleg veitingaþjónusta félagsins sem er starfandi í báðum klúbbhúsum GR.

Athugið: aðildin veitir hins vegar ekki aðgang að aðalvöllum félagsins, þ.e. Grafarholtsvelli og Korpu.

 
Kylfingar á biðlista GR geta valið að gerast Thorsvallarfélagar og sleppa þá við að greiða inntökugjald þegar þeir ganga í aðalklúbb félagsins. Aðildin er einnig í boði fyrir þá sem ekki eru á biðlista Golfklúbbs Reykjavíkur.

 
Ef þú hefur áhuga á að gerast meðlimur í Thorvallaraðild þá getur þú skráð þig og ráðstafað greiðslu með því að smella hér.